'లియో' డైరెక్టర్ లోకేష్ కనకరాజ్ మొదటి చిత్రం 'నగరం' అప్పట్లో ఎంత వసూళ్లను రాబట్టిందో తెలిస్తే ఆశ్చర్యపోతారు!

ఈ సినిమా పై అంచనాలు ఏ రేంజ్ లో ఉన్నాయో మనమంతా చూస్తూనే ఉన్నాము.తమిళ ప్రేక్షకులతో పాటుగా , తెలుగు ప్రేక్షకులు కూడా ఈ సినిమా టికెట్స్ కోసం యుద్దాలు చేస్తున్నారు.అక్టోబర్ 19 వ తారీఖున విడుదల అవ్వబోతున్న ఈ చిత్రం ప్రపంచవ్యాప్తంగా మొదటి రోజు వంద కోట్ల రూపాయలకు పైగా గ్రాస్ వసూళ్లను రాబడుతుందని అంటున్నారు ట్రేడ్ పండితులు.ఇలా సౌత్ ఇండియన్ బాక్స్ ఆఫీస్ మొత్తం తన వైపు చూసేలా చేసుకున్న లోకేష్ మొదటి చిత్రం ‘నగరం’.

సందీప్ కిషన్ హీరో గా నటించిన ఈ సినిమాని తొలుత ‘మా నగరం’ అనే టైటిల్ తో తమిళం లో రిలీజ్ చేసాడు.అక్కడ సూపర్ హిట్ అవ్వడం తో తెలుగు లో ‘నగరం‘ ( Nagaram )పేరుతో విడుదల చేసారు.

ఈ సినిమా అప్పట్లో ఎంత వసూళ్లు రాబట్టింది అనేది ఇప్పటి ఆడియన్స్ కి తెలీదు.కానీ మాకు అందిన సమాచారం ప్రకారం , ఈ సినిమా ఫుల్ రన్ కలెక్షన్స్ తెలుగు మరియు తమిళం కలిపి ఎంత వచ్చిందో చెప్పబోతున్నాము.

ఈ చిత్రం అప్పట్లో కేవలం తమిళనాడు నుండి 10 కోట్ల రూపాయిల గ్రాస్ వసూళ్లను రాబట్టింది అట.అప్పట్లో 10 కోట్లు గ్రాస్ అంటే చాలా పెద్ద విషయమే, అలాగే తెలుగు లో ఈ చిత్రానికి దాదాపుగా నాలుగు కోట్ల రూపాయిల గ్రాస్ వసూళ్లు వచ్చాయి.మొత్తం మీద రెండు భాషలకు కలిపి 7 కోట్ల రూపాయిలు షేర్ వసూళ్లు వచ్చాయి అన్నమాట. కమర్షియల్ గా పెద్ద సక్సెస్ అయ్యింది.కథ కథనం మొత్తం ఖైదీ చిత్రం తర్వాత ‘నగరం’ చిత్రం లోనే బాగుంటుంది.ఇప్పటి వరకు ఎవరైనా ఈ సినిమా చూడకుండా ఉంటే యూట్యూబ్ లో అందుబాటులో ఉంది వెంటనే చూసేయండి.