ప్రస్తుతం తెలుగు సినిమా ఇండస్ట్రీ తో పాటు పాన్ ఇండియా లెవెల్ లో ఎక్కువగా వినిపిస్తున్న పేరు దేవర.( Devara ) గత కొద్ది రోజులుగా ఈ సినిమా పేరు సోషల్ మీడియాలో మారుమోగుతున్న విషయం తెలిసిందే.
కొరటాల శివ దర్శకత్వంలో జూనియర్ ఎన్టీఆర్( Junior NTR ) హీరోగా నటించిన ఈ సినిమా మరికొన్ని గంటల్లోనే ప్రేక్షకుల ముందుకు రానుంది.దీంతో ఈ సినిమాకు సంబంధించి ఏదో ఒక విషయం వార్తల్లో వినిపిస్తూనే ఉంది.
ఈ సినిమాకు సంబంధించి వినిపిస్తున్న ఒక్కో వార్త సినిమాపై అంచనాలను మరింత పెంచుతున్నాయి.
ఇకపోతే ఈ సినిమా ప్రమోషన్స్ లో భాగంగా పలు ఇంటర్వ్యూలకు హాజరయ్యారు తారక్.దేశవ్యాప్తంగా ఉన్న పలు ప్రధాన నగరాల్లో దేవర చిత్రయూనిట్ వరుస ఇంటర్వ్యూలు ఇచ్చింది.అలాగే అటు విదేశాల్లోనూ తారక్ సందడి చేస్తున్నారు.
తాజాగా లాస్ ఏంజిల్స్ ( Los Angeles )లో జరుగుతున్న బియాండ్ ఫెస్ట్ లో ఎన్టీఆర్ పాల్గొన్నారు.అక్కడి స్టేజ్ పై తారక్ మాట్లాడుతూ దేవర సినిమాను చూసేందుకు వచ్చిన ప్రేక్షకులకు ధన్యవాదాలు తెలిపారు.
ఈ క్రమంలోనే బియాండ్ ఫెస్ట్ లో( Beyond Fest ) దేవర టీజర్, ట్రైలర్ ప్రదర్శించారు.అయితే అక్కడ దేవర ట్రైలర్ చూసి ఆశ్చర్యపోయారు హాలీవుడ్ అడియన్స్.
ముఖ్యంగా ఈ సినిమాలోని షార్క్ సీన్ చూసి నోరెళ్లబెట్టారు.
ట్రైలర్ అయ్యాక అందరూ లేచి నిల్చొని చప్పట్లతో మారు మోగించారు.ఇందుకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది.ట్రైలర్ చూసి అటు విదేశీయులు ఆశ్చర్యపోతున్నారు.
ఇక సినిమా చూస్తే ఏమైపోతారో అంటూ కామెంట్స్ చేస్తున్నారు తారక్ ఫ్యాన్స్.ఈ రోజు సాయంత్రం బియాండ్ ఫెస్ట్ లో దేవర సినిమా ప్రీమియం వేయనున్నారు.
అటు తారక్ కూడా ఇదే ఫెస్ట్ లో ప్రేక్షకులతో కలిసి సినిమా చూడనున్నారు.మరి భారీ అంచనాల నడుమ పాన్ ఇండియా లెవెల్ లో విడుదల అవుతున్న ఈ సినిమా ఎలాంటి అంచనాలను క్రియేట్ చేస్తుందో చూడాలి మరి.
