మాస్ రాజా రవితేజ నటిస్తోన్న తాజా చిత్రం డిస్కో రాజా అన్ని పనులు ముగించుకుని రిలీజ్‌కు రెడీ అయ్యింది.ఈ సినిమా ఔట్ అండ్ ఔట్ సస్పెన్స్ థ్రిల్లర్‌గా తెరకెక్కినట్లు చిత్ర యూనిట్ తెలిపారు.
ఈ సినిమాలో రవితేజ పాత్ర ఏమిటనేది సస్పెన్స్‌గా పెట్టిన చిత్ర యూనిట్ ఈ సినిమా పోస్టర్స్, టీజర్స్‌తో ప్రేక్షకుల్లో మంచి అంచనాలను క్రియేట్ చేసింది.
ఇక ఈ సినిమాను జనవరి 24న ప్రపంచవ్యాప్తంగా రిలీజ్ చేసేందుకు చిత్ర యూనిట్ రెడీ అవుతోంది.
కాగా ఈ సినిమాను కేవలం థియేటర్లలో మాత్రమే చూడగలరని చిత్ర యూనిట్ పేర్కొంది.అల వైకుంఠపురములో సినిమా డిజిటల్ రైట్స్ అంశంలో సరికొత్త విధానానికి తెరలేపింది.
ఈ సినిమాను అమెజాన్, నెట్‌ఫ్లిక్స్‌ లాంటి డిజిటల్ ప్లాట్‌ఫాంలకు హక్కులను అమ్ముకోలేదు.దీంతో ఆ సినిమా డిస్ట్రిబ్యూటర్లు చిత్రాన్ని వీలైనన్ని రోజులు ఎక్కువగా థియేటర్లలో ప్రదర్శించేందుకు చూస్తున్నారు.
ఇప్పుడు అదే బాటలో డిస్కో రాజా చిత్రాన్ని కూడా రిలీజ్ చేస్తు్న్నారు చిత్ర యూనిట్.ఈ సినిమా డిజిటల్ హక్కులను ఎవరికీ అమ్మకపోవడంతో ఈ సినిమాను కూడా కేవలం థియేటర్లలో మాత్రమే చూడగలరంటూ చిత్ర యూనిట్ అనౌన్స్ చేసింది.
పాయల్ రాజ్‌పుత్, నభా నటేష్ హీరోయిన్లుగా నటిస్తున్న ఈ సినిమాను దర్శకుడు విఐ ఆనంద్ డైరెక్ట్ చేస్తున్నాడు.
