అమెరికాలో రోజుకో చోట తుపాకి పేలుళ్ళ చెప్పుళ్ళు వినిపిస్తూనే ఉంటాయి.తుపాకీ సంస్కృతీ హెచ్చుమీరుతున్న అమెరికాలో ఇలాంటి ఘటనలు సర్వ సాధారణమే.
అయితే ఈ గన్ కల్చర్ వలన ఎంతో మంది అమాయక ప్రజలు బలై పోతున్నారు.తాజాగా అమెరికాలో జరిగిన ఓ ఘటనలో అభం శుభం తెలియని ఓ బాలిక మృతి చెందింది.
స్థానికంగా ఈ ఘటన ఆందోళన కలిగిస్తోంది.వివరాలలోకి వెళ్తే.
అమెరికాలో వరుస కాల్పులు అమెరికా వాసులని భయభ్రాంతులకు గురిచేస్తున్నాయి.ఈ మధ్య కాలంలో అంటే ఈ నెలలో అమెరికాలో వివిధ ప్రాంతాలలో కాల్పుల ఘటనలు పోల్చుకుంటే తాజాగా జరిగిన ఘటన మూడవ ఘటనగా తెలుస్తోంది.
నార్త్ కరోలినాలో ఓ గుర్తు తెలియని వ్యక్తి కాంకర్డ్ మిల్స్ మాల్ పార్కింగ్ ప్రాంతానికి వచ్చాడు.ఉన్నట్టుండి ఒక్క సారిగా తన వద్దనున్న తుపాకి తీసుకుని విచక్షణా రహితంగా కాల్పులు జరిపాడు
ఈ ఘటనలో అక్కడ ఉన్న ఓ బాలిక చనిపోగా ఇద్దరు బాలురు తీవ్ర గాయాలపాలయ్యారు.వారిని హుటాహుటిన ఆసుపత్రికి తరలించారు.కాల్పులు సమయంలో అతడు ఒక్కడే వచ్చాడని, ఒక కారులో దిగిన అతడు వెంటనే దాడి చేశాడని ప్రత్యక్ష సాక్ష్యులు తెలిపారు.
ఈ ఘటనపై విచారణ కేసు నమోదు చేసిన పోలీసులు విచారణ చేపట్టారు.
తెలుగు NRI వార్త విశేషాలు సులభముగా తెలుసుకోండి!!!!
