కన్నడ చిత్ర పరిశ్రమ నుంచి కిరిక్ పార్టీ సినిమా ద్వారా ఇండస్ట్రీకి పరిచయమై అతి తక్కువ సమయంలోనే తెలుగు తమిళ కన్నడ భాషలలో అగ్రతారగా గుర్తింపు పొందిన రష్మిక మందన్న పుష్ప సినిమాతో ఏకంగా పాన్ ఇండియా హీరోయిన్ గా పేరుపొందారు.ఇలా పుష్ప సినిమా తర్వాత పాన్ ఇండియా స్థాయిలో సినిమాలలో నటించడమే కాకుండా బాలీవుడ్ సినిమా అవకాశాలను కూడా అందుకొని బిజీగా గడుపుతున్నారు.
ఇలా వరుస సినిమాలతో ఎంతో బిజీగా ఉండే రష్మిక సోషల్ మీడియాలో కూడా ఎంతో యాక్టివ్ గా ఉంటారు.ఈ క్రమంలోనే సోషల్ మీడియా వేదికగా తాజాగా ఈమె చేసిన ఒక పోస్ట్ వైరల్ అవుతుంది.
కిరిక్ పార్టీ అనే సినిమాతో వెండితెరకు పరిచయమైనటువంటి రష్మిక అనంతరం కన్నడ భాషలో అంజనీపుత్ర అనే సినిమాలో నటించారు.హర్ష దర్శకత్వం వహించిన ఈ సినిమాలో దివంగత నటుడు పునీత్ రాజ్ కుమార్ హీరోగా నటించారు.
ఇక ఈ సినిమా విడుదలై డిసెంబర్ 21వ తేదీకి ఐదు సంవత్సరాలు పూర్తి కావడంతో రష్మిక ఈ సినిమాని మరోసారి గుర్తు చేసుకుని సోషల్ మీడియా వేదికగా ఎమోషనల్ పోస్ట్ చేశారు.
నేటితో అంజనీపుత్ర విడుదలై ఐదు సంవత్సరాలు పూర్తి అయింది.పునీత్ రాజ్ కుమార్ సార్ తో జరిగిన సంభాషణలను గుర్తు చేసుకుంటూ ఉన్నాను.పునీత్ సార్ నాపై ఎంతో నమ్మకంతో ఉండేవారు.
ఆయన ఎంతో గొప్ప మనసు ఉన్న వ్యక్తి.అలాంటి ఓ గొప్ప వ్యక్తి స్థానాన్ని నా హృదయంలో ఎవరు కూడా ఆ స్థానాన్ని భర్తీ చేయలేరని ఈ సందర్భంగా రష్మిక పునీత్ రాజ్ కుమార్ గురించి ఎమోషనల్ పోస్ట్ చేశారు.
ప్రస్తుతం ఈమె చేసిన పోస్ట్ సోషల్ మీడియాలో వైరల్ గా మారింది.ఇక రష్మిక సినిమాల విషయానికొస్తే ఈమె కోలీవుడ్ హీరో విజయ్ తో కలిసి నటించిన వరిసు సినిమా సంక్రాంతి కానుకగా విడుదల కానుంది.
