రేపు అనగా సెప్టెంబర్ 3న తెలుగులో బిగ్ బాస్ సీజన్ సెవెన్ షో( Bigg Boss 7 ) ప్రారంభం కానున్న విషయం తెలిసిందే.ఇప్పటికీ ఆరు సీజన్లను విజయవంతంగా పూర్తి చేసుకున్న బిగ్ బాస్ షో నేటినుంచి బిగ్బాస్ సీజన్ సెవెన్ కూడా ప్రారంభం కానుంది.
ఇప్పటికే ఈ సీజన్ పై భారీగా అంచనాలు నెలకొన్నాయి.గత కొద్దిరోజులుగా ఈ బిగ్ బాస్ షో కి సంబంధించి ఒకదాని తర్వాత ఒకటి ప్రోమో విడుదల చేస్తూ షోపై అంచనాలను మరింత పెంచేశారు హోస్ట్ నాగార్జున.
ఈసారి బిగ్ బాస్ హౌస్( Bigg Boss House ) లో రూల్స్ అన్ని కూడా కొత్తగా ఉంటాయని ఉల్టా పుల్టా అంటూ భారీగా హైప్ ఇచ్చారు నాగార్జున.
ఆదివారం నుంచే వైభవంగా మొదలు కాబోతున్న బిగ్ బాస్ ఏడో సీజన్‌కు సంబంధించి నిర్వహకులు పనులను ఇప్పటికే కంప్లీట్ చేసుకున్నారు.ముఖ్యంగా కంటెస్టెంట్ లను ఉంచే హౌస్, స్టేజ్ పనులు కూడా పూర్తి అయిపోయాయి.శుక్రవారం, శనివారం కంటెస్టెంట్ల ఎంట్రీ పెర్ఫార్మెన్స్‌లను షూట్ చేయబోతున్నారు.
దీన్ని ఆదివారం సాయంత్రం 7 గంటల నుంచి ప్రసారం చేస్తారు.భారీ అంచనాల నడుమ ప్రారంభం కాబోతున్న బిగ్ బాస్ ఏడో సీజన్ కంటెస్టెంట్ల ఎంపిక ప్రక్రియను నిర్వహకులు ఎప్పుడో ప్రారంభించారు.
కానీ, ఈ లిస్టును ఫైనల్ చేయడానికి మాత్రం చాలా సమయమే తీసుకున్నారు.ఇలా ఇప్పుడు మొత్తం 20 మందితో కూడిన ఫైనల్ లిస్టు( Bigg Boss Telugu 7 Contestants List ) ను వాళ్లు రెడీ చేశారట.
అయితే, వీరిలోనూ కొందరిని తగ్గించి 17 లేదా 18 మందిని లోపలికి పంపిస్తారని టాక్.
ఇదిలా ఉంటే తాజాగా అందిన సమాచారం ప్రకారం బిగ్ బాస్ సీజన్ సెవెన్ లోకి విశ్వక్ సేన్( Vishwak Sen ) హీరోగా నటించిన అశోక వనంలో అర్జున కల్యాణం చిత్రం( Ashoka Vanamlo Arjuna Kalyanam )తో హీరోయిన్‌గా పరిచయమైన రితికా నాయక్‌ను కూడా తీసుకున్నారట.ఆమె కూడా ప్రీమియర్ ఎపిసోడ్‌లో హౌస్‌లోకి అడుగు పెట్టబోతుందని జోరుగా వార్తలు వినిపిస్తున్నాయి.ఈ వార్తల్లో నిజాలు తెలియాలి అంటే మరి కొన్ని గంటలు వేచి చూడాల్సిందే మరి.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
