అరటి సాగులో పనామా కుళ్ళు తెగుల నివారణకు చర్యలు..!

అరటి చెట్లు ముదురు పసుపు రంగులోకి మారి వాడిపోతే ఆ చెట్లకు తెగులు సోకినట్లు నిర్ధారించుకోవాలి.పసుపు రంగులోకి మారిన ఆకులు క్రమంగా చీలిపోవడం, ఎండిపోవడం జరుగుతుంది.మరి ఈ తెగులు ఎలా నివారించాలో చూద్దాం.మార్కెట్లో అధికంగా నకిలీ విత్తనాల దందా కొనసాగుతున్న సంగతి అందరికీ తెలిసిందే.కాబట్టి సర్టిఫైడ్ కంపెనీ నుంచి తెగులు నిరోధక మొక్కల( Pest resistant plants ) రకాలను ఎంచుకోవాలి.పొలంలో నీరు నిల్వ ఉండకుండా నీటిపారుదల వ్యవస్థను చక్కగా ఏర్పాటు చేసుకోవాలి.

తెగులు సోకిన మొక్కలను పంట నుండి వేరు చేసి వెంటనే కాల్చి నాశనం చేయాలి.పొలంలో ఉపయోగించే పనిముట్లను హైపోక్లోరైడ్ తో శుద్ధి చేయాలి.

ఒకవేళ అరటి పంటకు ఈ తెగులు సోకినట్లయితే, ఓ మూడు సంవత్సరాల పాటు తెగులు సోకిన భూమిలో అరటి పంట వేయకుండా ఇతర పంటలు వేసుకోవాలి.సేంద్రీయ పద్ధతిలో ఈ తెగులను నివారించాలి అంటే ట్రైకోడెర్మా వీరిడే( Trichoderma ) లాంటి ఫంగస్ లేదంటే సుడోమోనాస్ ఫ్లోరెసిన్స్ లాంటి బ్యాక్టీరియా జీవ నియంత్రణ పదార్థాలు ఉపయోగించి ఈ తెగులను అరికట్టవచ్చు.రసాయన పద్ధతిలో కార్బమ్ డిజమ్ 50.0wp తో మొక్కలు పూర్తిగా తడిచేటట్లు పిచికారి చేసి ఈ తెగులను అరికట్టవచ్చు.