కోట్లాది మంది అభిమానులతో పాటు,ఇండియన్ మూవీ లవర్స్ మొత్తం ఎప్పటి నుండో ఎంతో ఆతృతగా ఎదురు చూస్తున్న కాంబినేషన్స్ లో ఒకటి మహేష్ – రాజమౌళి కాంబినేషన్. వీళ్లిద్దరి కాంబోలో సినిమా ఖరారై దాదాపుగా పదేళ్లు అయ్యింది.
కానీ మహేష్( Mahesh Babu ) మరియు రాజమౌళి( Rajamouli ) ఎవరి సినిమాల షూటింగ్స్ లో వారు బిజీ గా ఉండడం వల్ల ఈ ప్రాజెక్ట్ వాయిదా పడుతూ వచ్చింది.గత ఏడాది కాలం నుండి ఈ సినిమాకి సంబంధించిన స్క్రిప్ట్ వర్క్ ని డిజైన్ చేస్తూ ఉన్నాడు రాజమౌళి తండ్రి విజయేంద్ర ప్రసాద్.
( Vijayendra Prasad ) ఎట్టకేలకు ఈ స్క్రిప్ట్ వర్క్ ఇప్పుడు చివరి దశకి చేరుకుందని, త్వరలోనే వర్క్ షాప్ కూడా మొదలు అవ్వబోతుందని టాక్.అయితే రీసెంట్ గానే సోషల్ మీడియా లో ఈ చిత్రం ప్రారంభం అవ్వడానికి ఇంకా చాలా సమయం పడుతుంది, మహేష్ ఈలోపు ఒక ప్రాజెక్ట్ ని చేసే ఆలోచనలో ఉన్నాడంటూ వార్తలు వినిపించాయి.
అయితే ఈ వార్తలో ఎలాంటి నిజం లేదని మహేష్ బాబు సన్నిహిత వర్గాలు చెప్తున్నాయి.జనవరి నెల నుండి ఈ సినిమాకి సంబంధించిన ఇంట్రడక్షన్ సన్నివేశం ప్రీ ప్రొడక్షన్ వర్క్ ప్రారంభం కానుంది అని టాక్.ఎక్కడైనా సినిమా మొత్తానికి సంబంధించిన ప్రీ ప్రొడక్షన్ వర్క్( Pre Production Work ) ప్రారంభం అవ్వడం గమనించాము.కానీ ఇక్కడ ఇంట్రడక్షన్ సన్నివేశం కోసం నెల రోజుల పాటు ప్రీ ప్రొడక్షన్ వర్క్ జరపబోతున్నారు అంటే ఈ సినిమాపై రాజమౌళి ఏ రేంజ్ లో ప్లాన్ చేసాడో అర్థం చేసుకోవచ్చు.
రాజమౌళి గత చిత్రం #RRR లో రామ్ చరణ్( Ram Charan ) ఇంట్రడక్షన్ ఫైట్ సన్నివేశం రాజమౌళి కెరీర్ లోనే ది బెస్ట్ అని చెప్పొచ్చు.చాలా సహజసిధ్ధం గా ఈ ఫైట్ సన్నివేశాన్ని చిత్రీకరించారు.
ఇప్పుడు మహేష్ తో చెయ్యబోయే సన్నివేశం ఇప్పటి వరకు ప్రపంచ సినిమాలో ఎన్నడూ చూడని విధంగా ఉండబోతుంది అట.
మరో విషయం ఏమిటంటే ఈ సినిమాని రాజమౌళి తన కెరీర్ లో అత్యంత వేగవంతమైన సినిమాగా తీర్చి దిద్దాలని ప్లాన్ చేస్తున్నాడట. #RRR సినిమా కూడా మధ్యలో కరోనా రాకపొయ్యుంటే ఏడాది లోనే షూటింగ్ మొత్తం పూర్తి అయ్యేది.కానీ కరోనా కారణంగా రెండేళ్లు ఆలస్యం గా విడుదల అయ్యింది.
కానీ ఈ చిత్రం పక్క ప్రణాళిక తో ప్రారంభం కాబోతుందని, అనుకున్న సమయానికే సినిమా అభిమానుల ముందుకు వస్తుందని అంటున్నారు.ఇకపోతే మహేష్ బాబు ప్రస్తుతం త్రివిక్రమ్ శ్రీనివాస్ తో కలిసి ‘గుంటూరు కారం’( Guntur Karam Movie ) అనే చిత్రం చేస్తున్నాడు.
ఈ సినిమా వచ్చే ఏడాది సంక్రాంతి కానుకగా జనవరి 12 వ తారీఖున గ్రాండ్ గా విడుదల కాబోతుంది.