తెలంగాణ ఎన్నికల్లో వైసీపీ పోటీ చేస్తుందా లేదా ? 

 ఇక ఏపీ అధికార పార్టీ వైసిపి ఎన్నికల్లో పోటీ చేస్తుందా లేదా అనేది ఎవరికి క్లారిటీ లేదు .తెలంగాణ అధికార పార్టీ బీఆర్ఎస్ ( BRS )తో వైసిపి సన్నిహితంగానే ఉంటుంది.ముఖ్యంగా తెలంగాణ సీఎం కెసిఆర్, ఏపీ సీఎం జగన్ ( CM kcr AP CM jagan )మధ్య స్నేహబంధం కొనసాగుతోంది.

ఇక కేంద్రంలో బీజేపీతోను జగన్ సన్నిహితంగానే మెలుగుతున్నారు.ఈ క్రమంలో వైసిపి తెలంగాణలో పోటీ చేస్తుందా లేదా అనే విషయంపై ఉత్కంఠ కొనసాగుతుండగా … తాజాగా ఈ వ్యవహారంపై వైసీపీకి కీలక నేత,  మాజీ టీటీడీ చైర్మన్ వై వి సుబ్బారెడ్డి ( YV Subba Reddy )స్పందించారు.

తెలంగాణ అసెంబ్లీ ఎన్నికల్లో పోటీ చేసే ఉద్దేశం వైసిపి( YCP )కి లేదని సుబ్బారెడ్డి క్లారిటీ ఇచ్చారు.ఈరోజు ప్రకాశం జిల్లా పర్యటనలో వై వి సుబ్బారెడ్డి అనేక అంశాలపై స్పందించారు.

కృష్ణ జలాల విషయంలో రాష్ట్ర విభజన సమయంలో ప్రతిపాదించిన విధంగా ఏపీ తెలంగాణ రాష్ట్రాలకు పంపకాలు జరిగాయని సుబ్బారెడ్డి ( YV Subba Reddy )తెలిపారు.  జగన్ ఇప్పటికే సమీక్షలు నిర్వహించారని , కేంద్రాన్ని కలిసి అన్ని అంశాలను వివరిస్తారని,  అవసరమైతే సుప్రీంకోర్టు కూడా వెళ్తామని సుబ్బారెడ్డి అన్నారు.