దాదాపు పది సంవత్సరాలు రాజకీయాల్లో బిజీగా ఉండటం వల్ల సినిమాలకు దూరమైన చిరంజీవి ఖైదీ నంబర్ 150 సినిమాతో సినిమాల్లోకి రీఎంట్రీ ఇవ్వడంతో పాటు బ్లాక్ బస్టర్ హిట్ సాధించారు.ఆ సినిమా తరువాత చిరంజీవి నటించిన సైరా నరసింహారెడ్డి సినిమా కూడా విడుదలై మంచి ఫలితాన్ని అందుకుంది.
ప్రస్తుతం కొరటాల శివ డైరెక్షన్ లో ఆచార్య సినిమాలో నటిస్తున్న చిరంజీవి ఈ సినిమా తరువాత మోహన్ రాజా డైరెక్షన్ లో లూసిఫర్, బాబీ డైరెక్షన్ లో ఒక సినిమాలో నటించబోతున్నారు.
టాలీవుడ్ ఇండస్ట్రీలో వరుస విజయాలను సొంతం చేసుకుంటున్న మైత్రీ మూవీ మేకర్స్ బ్యానర్ పై చిరంజీవి బాబీ కాంబినేషన్ లో సినిమా తెరకెక్కనుంది.
ఈ మధ్య కాలంలో ఎక్కువగా రీమేక్ సినిమాలలో నటిస్తున్న చిరంజీవి బాబీ డైరెక్షన్ లో మాత్రం కొత్త కథలో నటించబోతున్నారు.పవర్, జై లవకుశ లాంటి హిట్లు ఉన్న బాబీ గత సినిమా వెంకీమామ బాక్సాఫీస్ దగ్గర ఆశించిన స్థాయిలో ఫలితాన్ని అందుకోలేదు.
వెంకీ మామ యావరేజ్ ఫలితాన్ని అందుకోవడంతో చిరంజీవితో తెరకెక్కించే సినిమా బ్లాక్ బస్టర్ హిట్ అయ్యేలా బాబీ అన్ని జాగ్రత్తలు తీసుకుంటున్నారని తెలుస్తోంది.ఇకపోతే ఈ సినిమాలో విలన్ గా విజయ్ సేతుపతిని ఎంపిక చేసినట్టు ఇండస్ట్రీ వర్గాల్లో జోరుగా ప్రచారం జరుగుతోంది.ఉప్పెన, మాస్టర్ సినిమాలతో విలన్ గా మంచి పేరు సంపాదించుకున్న విజయ్ సేతుపతి ఈ సినిమాలో విలన్ గా నటించబోతున్నారని తెలుస్తోంది.
అయితే అధికారిక ప్రకటన వస్తే మాత్రమే వైరల్ అవుతున్న వార్తలో నిజానిజాలు తెలిసే అవకాశం ఉంటుంది.
సైరా నరసింహారెడ్డి సినిమాలో చిన్న పాత్రలో నటించిన విజయ్ సేతుపతి చిరు బాబీ సినిమాలో నటిస్తే మాత్రం విడుదలకు ముందే ఈ సినిమాపై భారీగా అంచనాలు ఏర్పడే అవకాశం ఉంటుంది.
తెలుగు వార్త విశేషాలు సులభముగా తెలుసుకోండి!!!!
