తమిళ యంగ్ హీరో విశాల్ నటించిన ప్రతి సినిమాను తెలుగులోనూ రిలీజ్ చేస్తుంటారు.విశాల్ కెరీర్ ఆరంభంలో పందెం కోడి ఎలాంటి విజయాన్ని అందుకుందో అందరికీ తెలిసిందే.
ఈ సినిమా ఇచ్చిన సక్సెస్‌తో విశాల్ తన ప్రతి సినిమాను తెలుగులోనూ రిలీజ్ చేస్తూ వస్తున్నాడు.ఇక విశాల్ నటించిన అభిమన్యుడు చిత్రాన్ని తెలుగులో రిలీజ్ చేయగా అది సూపర్ హిట్ మూవీగా నిలిచింది.
కాగా తాజాగా విశాల్ నటిస్తున్న యాక్షన్ ఎంటర్‌టైనర్ మూవీ ‘చక్ర’ రిలీజ్‌కు రెడీ అయ్యింది.
ఈ సినిమాను ఎంఎస్ ఆనందన్ డైరెక్ట్ చేస్తుండగా పూర్తి థ్రిల్లర్ మూవీగా ఈ సినిమాను తెరకెక్కిస్తున్నాడు.
సైబర్ నేరాలకు సంబంధించిన కథాంశంతో, అభిమన్యుడు సినిమాను పోలీ ఉండే ఈ సినిమాలో విశాల్ మరోసారి పవర్‌ఫుల్ పాత్రలో నటిస్తున్నట్లు తెలుస్తోంది.తాజాగా రిలీజ్ అయిన గ్లాంప్స్ ఆఫ్ ట్రైలర్‌లోనూ ఇదే తరహా పాత్ర ఉండటంతో ఈ సినిమాపై అంచనాలు ఏర్పాడ్డాయి.
ఇక ఈ సినిమా షూటింగ్ ప్రస్తుతం నెలకొన్న లాక్‌డౌన్ కారణంగా వాయిదా పడింది.
కాగా త్వరలోనే ఈ సినిమా షూటింగ్‌ను తిరిగి ప్రారంభించి సినిమాను వీలైనంత త్వరగా రిలీజ్ చేసేందుకు చిత్ర యూనిట్ ప్లాన్ చేస్తోంది.
ఇక ఈ సినిమాలో శ్రద్ధా శ్రీనాథ్ హీరోయిన్‌గా నటిస్తోండగా రెజీనా ఓ కీలక పాత్రలో నటిస్తోంది.యువన్ శంకర్ రాజా సంగీతం అందిస్తున్న ఈ సినిమాను విశాల్ తన సొంత బ్యానర్‌పై ప్రొడ్యూస్ చేస్తున్న సంగతి తెలిసిందే.
