తమిళంతో పాటు తెలుగులో కూడా తనకంటూ ప్రత్యేకమైన గుర్తింపు సొంతం చేసుకున్న సౌత్ స్టార్ హీరో సూర్య.సూర్య తమిళంలో చేసిన ప్రతి సినిమా తెలుగులో కూడా మంచి బజ్ తెచ్చుకుంటుంది.
తమిళంలో కంటే తెలుగులో సూపర్ హిట్ అయిన సినిమాలు కూడా ఉన్నాయి.ప్రస్తుతం సుధా కొంగర దర్శకత్వంలో ఆకాశం నీ హద్దురా అనే సినిమాని చేస్తున్నాడు.
ఈ సినిమా ఓ వ్యాపారవేత్త బయోపిక్ గా తెరకెక్కుతుంది.ఇదిలా ఉంటే ఈ మధ్య కాలంలో సూర్య నటించిన సినిమాలు రెండు భాషలలో పెద్దగా ఆడటం లేదు.
సింగం 3 తర్వాత అతనికి సాలిడ్ హిట్ రాలేదు.సుధా కొంగర సినిమా మీద హోప్స్ పెట్టుకున్నాడు.
ఇదిలా ఉంటే ఎప్పటి నుంచో సూర్య స్ట్రైట్ తెలుగు సినిమా చేయడానికి ఆసక్తి చూపిస్తున్నాడు.అయితే తమిళంలో వరుస ప్రాజెక్టుల వలన తెలుగు సినిమా చేసే అవకాశం రావడం లేదు.
అయితే సూర్య కంటే ఆలస్యంగా వచ్చిన అతని తమ్ముడు కార్తి మాత్రం తెలుగులో ఊపిరి సినిమాలో నటించాడు.అతని సినిమాలు కూడా అన్ని ద్విభాషలో ఉండే విధంగా చూసుకుంటున్నాడు.
ఈ నేపధ్యంలో గత కొంత కాలంలో సూర్య కూడా మంచి కథ కోసం ఎదురుచూస్తున్నట్లు తెలుస్తుంది.కొత్త దర్శకులు చెబుతున్న కథలు కూడా వింటున్నాడని టాక్.మంచి కథ దొరికిన వెంటనే తెలుగులో స్ట్రైట్ సినిమా చేసే అవకాశం ఉందని తెలుస్తుంది.ఈ ఏడాదిలో స్ట్రైట్ తెలుగు సినిమాని సూర్య ఎనౌన్స్ చేసే అవకాశం ఉందని చెప్పుకుంటున్నారు.
మరి ఇది ఎంత వరకు వాస్తవ రూపం దాల్చుతుందో అనేది వేచి చూడాలి.
