యంగ్ హీరో నితిన్ నటించిన భీష్మ చిత్రంపై మొదట్నుండీ మంచి అంచనాలు ఉండటంతో ఈ సినిమా ఎప్పుడెప్పుడు వస్తుందా అని అందరూ ఆసక్తిగా ఎదురుచూశారు.ఇక ఈ సినిమా టీజర్, ట్రైలర్లు ప్రేక్షకులను అలరించడంలో సక్సెస్ కావడంతో ఈ సినిమాకు రిలీజ్‌కు ముందే మంచి టాక్ వచ్చేసింది.
ఇక శుక్రవారం ప్రపంచవ్యాప్తంగా రిలీజ్ అయిన ఈ సినిమాకు అదిరిపోయే టాక్ రావడంతో నితిన్ కెరీర్‌లో మరో హిట్టు బొమ్మ పడింది.
ఈ సినిమాకు అన్ని వర్గాల ప్రేక్షకులు ఫిదా కావడంతో మొదటి రోజే దీన్ని చూసేందుకు జనాలు థియేటర్లకు ఎగబడ్డారు.
ఇక శివరాత్రి పండగ సెలవు కూడా ఈ సినిమాకు బాగా కలిసి రావడంతో ప్రేక్షకులు ఈ సినిమాను చూసేందుకు బారులు తీరారు.నితిన్ కామెడీ టైమింగ్, రష్మిక అందాల ఆరబోతతో పాటు నటనతో మెప్పించిన విధానం, వెంకీ కుడుముల మార్క్ టేకింగ్ ఈ సినిమాకు బాగా కలిసి రావడంతో ప్రేక్షకులు ఈ సినిమాకు ఫుల్ మార్కులు వేశారు.
ఈ చిత్రానికి తొలిరోజే మంచి వసూళ్లు రావడంతో నితిన్ కెరీర్‌లో బిగ్గెస్ట్ హిట్ మూవీ దిశగా ఈ సినిమా సాగుతోంది.ఈ సినిమాకు రెండు తెలుగు రాష్ట్రాల్లో కలిసి రూ.6.28 కోట్ల కలెక్షన్లు వచ్చాయి.గతంలో నితిన్ నటించిన ‘అ.ఆ’ చిత్రం కంటే కూడా ఇవి ఎక్కువ కావడం గమనార్హం.ఇక ఏరియాల వారీగా ఈ సినిమా కలెక్షన్లు ఈ విధంగా ఉన్నాయి.
నైజాం – 2.20 కోట్లు
సీడెడ్ – 0.80 కోట్లు
నెల్లూరు – 0.27 కోట్లు
కృష్ణా – 0.40 కోట్లు
గుంటూరు – 0.77 కోట్లు
వైజాగ్ – 0.62 కోట్లు
ఈస్ట్ – 0.66 కోట్లు
వెస్ట్ – 0.56 కోట్లు
టోటల్ ఏపీ+తెలంగాణ – 6.28 కోట్లు
.
