బీఆర్ఎస్ కు గుర్తుల టెన్షన్ కంటిన్యూ !

తెలంగాణ అసెంబ్లీ ఎన్నికలను దృష్టిలో పెట్టుకుని మరోసారి కేంద్ర ఎన్నికల సంఘం కు బీఆర్ఎస్( BRS ) విజ్ఞప్తి చేసింది .ఫ్రీ సింబల్స్ జాబితా నుంచి ఆ గుర్తులు తప్పించాలని కోరింది.దీనిపై సుప్రీంకోర్టులో పిటిషన్ దాఖలు చేసింది .తాజాగా ఈ పిటిషన్ ను విచారించిన ధర్మసనం దీనిపై కీలక వ్యాఖ్యలు చేసింది.కారు గుర్తును పోలిన గుర్తులు రద్దు చేయాలంటూ బీఆర్ఎస్ నేతలు చేసిన రెండు పిటిషన్లను సుప్రీంకోర్టు కొట్టివేసింది.  మునుగోడు ఉపఎన్నిక సందర్భంగా హైకోర్టు కొట్టివేసిన పిటిషన్ పై ఆలస్యంగా వచ్చారని జస్టిస్ అభయ్ ఎన్ ఓఖా , జస్టిస్ పంకజ్ మిశ్రా ధర్మాసనం పేర్కొంది.

అధికార పార్టీగా ఉన్న బీఆర్ఎస్ 240 రోజులు ఆలస్యంగా ఎలాగా వస్తారని ధర్మసనం ప్రశ్నించింది.ఈ పిటిషన్ పై విచారణ చేపట్టడం సాధ్యం కాదని తేల్చి చెప్పింది.

తమకు హైకోర్టుకు వెళ్లేందుకు అవకాశం ఇవ్వాలని బీఆర్ఎస్ తరపు న్యాయవాదులు కోరగా , కావాలంటే హైకోర్టుకు వెళ్లవచ్చునని సుప్రీంకోర్టు అనుమతించింది.అయితే మెరిట్ ఆధారణంగానే అక్కడ విచారణ జరుగుతుందని సుప్రీంకోర్టు చెప్పింది.కీలకమైన అసెంబ్లీ ఎన్నికల షెడ్యూల్ ఇప్పటికే విడుదలైంది .మరికొద్ది రోజుల్లోనే ఎన్నికలు జరగబోతున్న నేపథ్యంలో బీఆర్ ఎస్ ( BRS )కు ఎప్పటి నుంచో ఇబ్బందికరంగా మారిన ఎన్నికల గుర్తు ల టెన్షన్ వీడేలా కనిపించడం లేదు.