అమెరికాలో రోజు రోజుకి కరోనా మహమ్మారి చావులు పెరిగిపోతున్నాయి.ఈ వైరస్ కారణంగా ఆసుపత్రుల పాలవుతున్న వారి సంఖ్య సైతం లెక్కకి మించే ఉంటోంది.అమెరికా వ్యాప్తంగా సుమారు 65 లక్షలమంది కరోనా బారిన పడగా, సుమారు 1.94 వేల మంది మృతి చెందారు.ప్రపంచ వ్యాప్తంగా చూస్తే అమెరికాలోనే కేసుల బాధితుల సంఖ్య ఎక్కువగా కనిపిస్తోంది.ఉద్యోగాలు కోల్పోయి ఆర్ధిక ఇబ్బందులు పడుతున్న వారు కరోనా ఎప్పుడెప్పుడు తగ్గుముఖం పడుతుందోనని వేచి చూస్తున్నారు.అయితే…
కరోనా మహమ్మారి పై తాజగా జరిగిన ఓ అధ్యయనం అమెరికా ప్రజల్ని మరింత భయభ్రాంతులకి గురి చేస్తోంది.ఉద్యోగాలు కోల్పోయినా, సరైన తిండి లేకపోయినా, చివరికి నిలువ నీడ లేకపోయిన ఎలాగోలా బ్రతికేయచ్చు కానీ ఈ మహమ్మారి తీవ్రత మరింతగా విరుచుకుపడనుంది అనే మాటలు మాత్రం అమెరికా ప్రజల వెన్నులో వణుకు పుట్టిస్తున్నాయి.
ఈ ఏడాది డిసెంబర్ నాటికి కరోనా మహమ్మారి విజ్రుంభణ తీవ్ర రూపం దాల్చనుందని.
అమెరికాలోని ప్రతీ ఐదుగురిలో ఒకరికి కరోన తప్పకుండా సోకనుందని అమెరికా ఫుడ్ అండ్ డ్రగ్ అడ్మినిస్ట్రేషన్ మాజీ చీఫ్ స్కాట్ గాట్లిబ్ ప్రకటించారు.
రాబోయేది శీతాకాలమని ఈ కాలంలో వ్యాధులు ప్రభలే అవకాశాలు మరింత ఎక్కువగా ఉన్నాయని తెలిపారు.అమెరికా జనాభాలో సుమారు 20శాతం మంది ఈ వ్యాధి బారిన పడుతారని అన్నారు.
అయితే మాస్క్ లు, గ్లౌజులు , శానిటైజర్ ‘వంటివి వాడకంపై ప్రజలకి విసుగు వచ్చిందని వాటిని వాడటం మానేస్తున్నారు, దాంతో కరోనా మరింతగా తీవ్ర రూపం దాల్చే అవకాశాలు ఉన్నాయని ఆయన హెచ్చరించారు.
