సాధారణంగా ట్రైన్లలో ఫ్యాన్లు, ఏసీలు ఒక్కోసారి పని చేయకుండా పోతాయి.దీనివల్ల ప్యాసింజర్లు చాలా ఇబ్బందులు పడతారు.
కొన్ని గంటల ప్రయాణమే కదా అని అడ్జస్ట్ అవుతారు.అయితే స్వీడన్‌లో నివసిస్తున్న ఒక భారతీయ మహిళ ఈ విషయాన్ని రైల్వే సంస్థకు తీసుకెళ్లింది.
ఇటీవల ఆమె ఒక రైలులో ప్రయాణిస్తుండగా, ఏసీ పాడైపోయింది.దీంతో ఆమె చాలా ఇబ్బంది పడింది.
ఇదే విషయాన్ని రైల్వే సంస్థకు ఫిర్యాదు చేయగా, వారు వెంటనే స్పందించారు.ఆమెకు టికెట్ ధరలో 50% మనీ రిఫండ్ ( 50% money refund )చేస్తామని చెప్పారు.
ఆ డబ్బుతో మళ్ళీ రైలు టికెట్ కొనుక్కోవచ్చు.ఈ మహిళ రైల్వే సంస్థ చాలా బాగా చేసిందని, వారిని ప్రశంసించింది.
ఆ రైలులో ఏసీ పని చేయలేదని తెలుసుకున్న సదరు రైల్వే సంస్థ ( Railway Company )ప్రయాణికులకు క్షమాపణ చెప్పింది.తన రైలు ప్రయాణం సజాతీయంగా సాగకపోయినా కూడా స్వీడన్‌లో పన్నులు ఎక్కువగా ఉన్నా ఇక్కడ జీవితం చాలా బాగుంటుందని వెంటనే మన సమస్యలకు పరిష్కారం లభిస్తుందని ఆమె తన సోషల్ మీడియా పోస్ట్‌లో తెలిపింది.
రైల్వే సంస్థ నుంచి వచ్చిన మెసేజ్‌లో “మీ రైలులో ఎయిర్ కండిషనింగ్ పని చేయడం లేదు.దీనికి ప్రత్యామ్నాయంగా మీ టికెట్ ధరలో 50 శాతం తిరిగి ఇస్తాము.ఈ డబ్బు మీకు ఈమెయిల్ ద్వారా వచ్చే వౌచర్ రూపంలో అందుతుంది.ఈ ఇబ్బందికి క్షమించండి” అని పేర్కొంది.ఇలాంటి స్పందన రావడంతో ఎన్నారై మహిళ చాలా సంతోషంగా ఫీల్ అయింది.అలాగే, తమ ప్రయాణాన్ని ఉచితంగా రీబుక్ చేసుకోవడానికి లేదా రద్దు చేసి డబ్బు తిరిగి పొందడానికి కోరుకునే ప్రయాణికులకు కూడా రైల్వే సంస్థ సూచనలు ఇచ్చింది.
జులై 23న ఆమె ఈ పోస్ట్ పెట్టినప్పటి నుంచి ఇప్పటి వరకు దీన్ని 3,30,000 మందికి పైగా చూశారు.
“మనం చెల్లించే పన్నులకు తగినట్లు మంచి లైఫ్ క్వాలిటీ, సర్వీస్ లు, గౌరవం అందిస్తే ప్రాబ్లం లేదు.” అని ఒక నెటిజెన్ అన్నారు.మరొకరు, “లండన్‌లో నా రైలు 20 నిమిషాలు ఆలస్యమైంది.దానికి ప్రత్యామ్నాయంగా ఆస్ట్రేలియాకు చెక్కు పంపించారు!” అని చెప్పారు.“ఇది మన దేశంలోని రైల్వే బుకింగ్ వెబ్‌సైట్ (IRCTC)కి పూర్తిగా భిన్నం” అని ఇంకో వ్యక్తి అన్నారు.“పబ్లిక్ ట్రాన్స్‌పోర్ట్ వ్యవస్థ చాలా బాగుంది.జర్మనీలో లాగా రైళ్లు ఆలస్యం కావు” అని మరొకరు పేర్కొన్నారు.
