'అలా వైకుంఠపురం లో ' చిత్రం లో ఆ మార్పులు చెయ్యకపొయ్యుంటే అట్టర్ ఫ్లాప్ అయ్యేదా?

విశేషం ఏమిటంటే ఇప్పటి వరకు మన టాలీవుడ్ లో స్టార్ హీరోలందరూ కూడా సూపర్ హిట్స్ కొట్టారు, కానీ ఒక్కరు కూడా ‘అలా వైకుంఠపురం లో ‘ మూవీ కలెక్షన్స్ ని దాటలేకపోతున్నారు.అయితే ఈ సినిమా అంత పెద్ద హిట్ అవ్వడానికి కారణం సెకండ్ హాఫ్ లో షూటింగ్ జరుగుతున్న సమయం లోనే కొన్ని మార్పులు చేర్పులు చెయ్యడం.ముందు గా రాసుకున్న స్క్రిప్ట్ ప్రకారం స్టోరీ మొత్తం చాలా ఫ్లాట్ గా వెళ్ళిపోతుందని అల్లు అర్జున్ కి అనిపించిందట.

ఇదే విషయాన్నీ త్రివిక్రమ్ కి చెప్పగానే, ఆయన వెంటనే అప్పటికప్పుడు స్క్రిప్ట్ లో సవరింపులు చెయ్యడం, లేదా కొత్త సన్నివేశాలను రాయడం వంటివి చేసేవాడట.ముఖ్యంగా సెకండ్ హాఫ్ కి హైలైట్ గా నిల్చిన బోర్డు మీటింగ్ సన్నివేశం ముందుగా రాసుకున్న స్క్రిప్ట్ లో లేదట.

త్రివిక్రమ్ అప్పటికప్పుడు అనుకోని రాసిన సన్నివేశం అంట అది, ఆ సన్నివేశానికి థియేటర్స్ లో ఎలాంటి రెస్పాన్స్ వచ్చిందో మన అందరికీ తెలిసిందే.

అలా ఎన్నో మార్పులు చేర్పులు అప్పటికప్పుడు అనుకోని చెయ్యబట్టే ఈ చిత్రం ఆ రేంజ్ లో బ్లాక్ బస్టర్ అయ్యిందని, రొటీన్ అనే ఫీలింగ్ వచ్చేలా తీసి ఉంటే డిజాస్టర్ ఫ్లాప్ అయ్యేదని అంటున్నారు.ఇప్పుడు అల్లు అర్జున్ మరియు త్రివిక్రమ్ కాంబినేషన్ లో నాల్గవ సారి మరో సినిమా రాబోతుంది.నిన్ననే ఈ చిత్రానికి సంబంధించిన అధికారిక ప్రకటన కూడా జరిగింది.

చూడాలి మరి కమర్షియల్ గా ఈ సినిమా కూడా ‘అలా వైకుంఠపురం లో’ రేంజ్ లో సక్సెస్ సాధిస్తుందా లేదా అనేది.ప్రస్తుతం అల్లు అర్జున్ సుకుమార్ తో కలిసి ‘పుష్ప : ది రూల్’ అనే చిత్రం లో నటిస్తున్నాడు.ఈ సినిమా షూటింగ్ శరవేగంగా సాగుతుంది, వచ్చే ఏడాది సమ్మర్ కానుకగా ఈ చిత్రం ప్రేక్షకుల ముందుకు వచ్చే అవకాశం ఉంది.

.