ఆస్ట్రేలియాకు తలనొప్పిలా మారిన కంగారూలు.. కాల్చి చంపడమే మార్గమా..?

గతంలో దేశంలో కరువు సంభవించిన ప్రాంతాల్లో 80 నుంచి 90 శాతం కంగారూలు చనిపోయాయని అంచనా వేసినట్లు కేథరీన్ ( Catherine )పేర్కొన్నారు.ఆకలిని తట్టుకోలేక.పబ్లిక్ టాయిలెట్‌లలోకి వెళ్లి టాయిలెట్ పేపర్ తినడం వంటివి చేస్తున్నాయని ఆమె చెప్పారు.

కంగారూలను రక్షించాలంటే వాటిని కాల్చి చంపడం, మాంసం ఉత్పత్తులను పెంచడం వంటివి చేయాలన్నారు.లేనిపక్షంలో దేశంలో కరువు వచ్చినప్పుడు సంక్షేమ చర్యలను ప్రజలు పొందలేరని కేథరీన్ హెచ్చరించారు.

కంగారూలు( Kangaroos ) ఆస్ట్రేలియాలో రక్షించబడుతున్నాయని.కానీ ఇవి అంతరించిపోయే జాతుల జాబితాలో లేనందున అధికార పరిధిలో వీటిని కాల్చిచంపవచ్చు.

అయితే ప్రభుత్వ అనుమతి మాత్రం తప్పనిసరి.ప్రతి ఏడాది స్వదేశీ పరిశ్రమ అవసరాల కోసం దాదాపు ఐదు మిలియన్ల కంగారూలను అక్కడ కాల్చి చంపుతున్నారు.

మాంసం, పెంపుడు జంతువులకు ఆహారం, తోలు కోసం ఇలా చేస్తున్నారు.

ఆస్ట్రేలియాలో కంగారూ ఇండస్ట్రీకి అసోసియేషన్‌కు చెందిన డెన్నిస్ కింగ్( Dennis King ) మాట్లాడుతూ.దేశం మరోసారి కంగారూ విజృంభణకు దారి తీసిందన్నారు.కంగారూల సంతానోత్పత్తి చక్రం వేగంగా వుందన్నారు.2000వ దశకం ప్రారంభంలో కరువు కారణంగా జాతీయ స్థాయిలో కంగారూల జనాభా 30 మిలియన్ల లోపు పడిపోయిందని.అయితే అది త్వరలోనే 60 మిలియన్లకు చేరుకోవచ్చని కింగ్ చెప్పారు.