బాబు కన్నా జగన్ ఈ విషయంలో మేలు..!

ముఖ్యమంత్రి వైఎస్‌ జగన్‌మోహన్‌రెడ్డి నేతృత్వంలోని ఆంధ్రప్రదేశ్‌ ప్రభుత్వం గత మూడున్నరేళ్లలో రాష్ట్రంలో రోడ్ల మరమ్మతులకు రూ.3,461 కోట్లు ఖర్చు చేసిందని మంగళవారం తెలిపారు.

గతంలో చంద్రబాబు నాయుడు సారథ్యంలోని తెలుగుదేశం పార్టీ ఐదేళ్ల హయాంలో ఖర్చు చేసిన దానికంటే జగన్ హయాంలో ఖర్చు చేసిన మొత్తం ఎక్కువని వైఎస్సార్సీపీ అధికారికంగా విడుదల చేసింది.

రోడ్లు, భవనాల శాఖ ఇచ్చిన గణాంకాల ప్రకారం, ప్రభుత్వం మే 2019-జనవరి 2013 మధ్య 7,273 కిలోమీటర్ల మేరకు రహదారి పునరుద్ధరణను చేపట్టిందని అధికారిక ప్రకటన తెలిపింది.“సగటున, రాష్ట్ర ప్రభుత్వం ప్రతి సంవత్సరం 866 కోట్ల రూపాయల వ్యయంతో 1,818 కిలోమీటర్ల మేరకు రోడ్లను మరమ్మతులు చేసింది” అని పేర్కొంది.గత టీడీపీ హయాంలో 2014 నుంచి 2019 వరకు ఐదేళ్ల కాలంలో రూ.2,772 కోట్లు వెచ్చించి 6,670 కిలోమీటర్ల వరకు మాత్రమే రోడ్ల పునరుద్ధరణ పనులు చేపట్టారని అధికారిక ప్రకటనలో పేర్కొంది.“సగటున తీసుకుంటే, గత ప్రభుత్వం ప్రతి సంవత్సరం రూ.554 కోట్లతో కేవలం 1,334 కి.మీ.మాత్రమే పునరుద్ధరించారు.గత మూడేళ్లలో జగన్ ప్రభుత్వంలో 6,302 కిలోమీటర్ల రోడ్ల నిర్మాణం, పునరుద్ధరణ కోసం పంచాయతీరాజ్ శాఖ రూ.3,631 కోట్లు ఖర్చు చేసిందని అధికారిక ప్రకటన పేర్కొంది.