టాలీవుడ్ స్టార్ హీరోలకు ఈక్వల్ గా కోలీవుడ్ హీరోలైన రజినీకాంత్, కమల్ హాసన్ లకు క్రేజ్ ఉంది.ఆ తర్వాత సూర్య, విక్రం, కార్తీలకు కూడా తెలుగులో సూపర్ ఫాలోయింగ్ వచ్చింది.
ఇక ఇప్పుడు ధనుష్, విజయ్ లు కూడా తెలుగు మార్కెట్ మీద కన్నేశారు.అయితే వీరితో పాటుగా తమిళ యువ హీరో శివ కార్తికేయన్ కూడా తెలుగు మార్కెట్ పై గురి పెట్టాడు.
శివ కార్తికేయన్ నటిస్తున్న సినిమాలన్ని తెలుగులో డబ్ చేస్తున్నారు.ఈమధ్యనే వరుణ్ డాక్టర్ సినిమాతో హిట్ అందుకున్న శివ కార్తికేయన్ ఆ సినిమాతో తెలుగులో కూడా హిట్ కొట్టాడు.
రీసెంట్ గా అతను నటించిన డాన్ సినిమా కూడా తెలుగులో రిలీజై మంచి టాక్ తెచ్చుకుంది.
అంతేకాదు జాతిరత్నాలు ఫేమ్ అనుదీప్ డైరక్షన్ లో శివ కార్తికేయన్ హీరోగా బైలింగ్వల్ సినిమా వస్తుంది.
ఈ సినిమాతో తెలుగు ఆడియెన్స్ ని డైరెక్ట్ గా అలరించాలని చూస్తున్నాడు శివ కార్తికేయన్.ఇక ఈ క్రమంలో తెలుగులో సత్తా చాటిన తమిళ హీరోల లిస్ట్ లో శివ కార్తికేయన్ కూడా చేరిపోయాడని చెప్పొచ్చు.
డాన్ కి తెలుగులో కూడా పాజిటివ్ టాక్ వచ్చింది.ఇక అనుదీప్ సినిమా కూడా హిట్ పడితే శివ కార్తికేయన్ కూడా తెలుగులో మంచి క్రేజ్ తెచ్చుకునే ఛాన్స్ ఉంది.
ఇప్పటికే అతనికి తెలుగులో మంచి ఫ్యాన్ ఫాలోయింగ్ ఏర్పడింది.
