హైదరాబాద్ లో అడుగడుగున పోలీసులు చెక్ పోస్టులు పెట్టి తనిఖీలు నిర్వస్తున్న సంగతి తెలిసిందే.బ్లాక్ ఫిలింస్ ఉన్నాయని కొద్దిరోజులుగా చాలామంది సెలబ్రిటీల కార్లపై చలానాలు వేస్తున్నారు హైదరాబాద్ ట్రాఫిక్ పోలీసులు.
ఈ క్రమంలో ప్రముఖ దర్శకుడు ఎస్వీ కృష్ణారెడ్డి కారుకి కూడా ఫైన్ వేశారు పోలీసులు.సుల్తాన్ బజార్ లో బ్యాంక్ స్ట్రీట్ రోడ్డులో పోలీసులు తనిఖీలు చేస్తున్నారు.
ఆ టైం లోనే అటుగా వెళ్తున్న దర్శకుడు ఎస్వీ కృష్ణారెడ్డి కారుని పోలీసులు తనిఖీ చేశారు.కారుకి ఇర్రెగ్యులర్ నెంబర్ ప్లేట్ ఉన్నట్టు వారు గుర్తించి పోలీసులు ఆయనకు చలనా రాశారు.
అయితే పోలీసులు తనని ఆపి చలానా వేశారని డైరక్టర్ ఎస్వీ కృష్ణారెడ్డి వెరైటీగా స్పందించారు.తప్పు తనదేనని.నెంబర్ ప్లేట్ ని సరి చేసుకుంటానని పోలీసులకు వివరణ ఇచ్చారు.అంతేకాదు ఇంత ఎండలో బాధ్యతగా విధులు నిర్వహిస్తున్న ట్రాఫిక్ పోలీసులను ఎస్వీ కృష్ణా రెడ్డి అభినందించారు.
ఈమధ్యనే ఎస్వీ కృష్ణారెడ్డి బిగ్ బాస్ షోహెల్ తో ఒక సినిమా స్టార్ట్ చేశారు.ఆ సినిమాకు టైటిల్ గా ఆర్గానిక్ మామ హైబ్రిడ్ అల్లుడు అని ఫిక్స్ చేశారు.
