టాలీవుడ్ లో హీరోయిన్ గా ఎంట్రీ ఇచ్చిన తాప్సి తనకంటూ ప్రత్యేకమైన గుర్తింపు సొంతం చేసుకుంది.తెలుగులో స్టార్ హీరోలతో ఆడిపాడిన ఈ భామకి ఎప్పుడు కూడా అనుకున్న స్థాయిలో గుర్తింపు అయితే రాలేదు.
టాలీవుడ్ దర్శకులు తాప్సిని కేవలం గ్లామర్ క్వీన్ గానే చూసారు.అప్పుడప్పుడు నటనకి అవకాశం ఉన్న సినిమాలు చేసిన అవి ఫ్లాప్ అవడంతో ఈ భామ కెరియర్ టాలీవుడ్ లో అందాల ప్రదర్శనకి సెకండ్ హీరోయిన్ పొజిషన్ కి వచ్చేసింది.
అయితే టాలీవుడ్ లో నటిగా నిరూపించుకునే అవకాశం రాకపోవడంతో బాలీవుడ్ వైపు తాప్సి అడుగులు వేసింది.అక్కడ మొదటిగా చేసిన పింక్ సినిమాతో నటిగా తనని తను ప్రూవ్ చేసుకుంది.
అమితాబ్ లాంటి స్టార్ నటుడు ఉన్నాకూడా తాను అందరికి కనిపించేలా పెర్ఫార్మెన్స్ తో ఇరగదీసింది.
డిఫరెంట్ హీరోయిన్ బేస్ కంటెంట్ అంటే దర్శకులు అందరూ కంగనా తర్వాత తాప్సి వైపే చూస్తూ వచ్చారు.
తాజాగా ఈ భామ విభిన్న చిత్రాల దర్శకుడుగా గుర్తింపు తెచ్చుకున్న అనుభవ సిన్హా దర్శకత్వంలో తప్పడ్ అనే సినిమా చేసింది.ఇందులో భార్య, భర్తల మధ్యలో వచ్చే చిన్న చిన్న గొడవలకి మొగుడు అనే అధికారంతో చాల ఈజీగా పెళ్ళాల మీద చేయి చేసుకుంటారు.
పదిమందిలో భార్యకి కొడితే ఆమె మానసిక సంఘర్షణ ఎలా ఉంటుందో అనేది ఇందులో దర్శకుడు చూపించారు.ఇక ఈ సినిమా తాజాగా ప్రేక్షకుల ముందుకి వచ్చి సూపర్ హిట్ టాక్ తెచ్చుకోవడంతో పాటు విమర్శకుల ప్రశంసలు అందుకుంటుంది.
ఈ సినిమాపై బాలీవుడ్ సినీ ప్రముఖులు ప్రశంసలు కురిపిస్తున్నారు.ప్రముఖ సినీ రచయిత జావేద్ అక్తర్ తప్పడ్ సినిమా బాలీవుడ్ లో ఒక క్లాసిక్ గా మిగిలిపోతుందని కామెంట్స్ చేసారు.
ఈ కామెంట్స్ పట్ల చిత్ర యూనిట్ సంతోషం వ్యక్తం చేస్తుంది.
