నయనతార పెళ్లికి డుమ్మా కొట్టిన స్టార్ హీరోయిన్ సమంత.. కారణాలివే?

టాలీవుడ్ స్టార్ హీరోయిన్లలో ఒకరైన నయనతార విఘ్నేష్ శివన్ ఈరోజు మూడుముళ్ల బంధంతో ఒక్కటయ్యారు.మహాబలిపురంలోని స్టార్ హోటల్ లో నయన్ విఘ్నేష్ వివాహ వేడుక జరిగింది.

సినీ, రాజకీయ ప్రముఖులు ఈ వివాహ వేడుకకు హాజరయ్యారు.పెళ్లి సందర్భంగా లక్ష మందికి అన్నదానం జరిగేలా నయన్ విఘ్నేష్ ఏర్పాట్లు చేశారని సమాచారం అందుతోంది.

అయితే ఆహ్వానం అందినా సమంత ఈ పెళ్లి వేడుకకు హాజరు కాలేదు.

ఖుషి మూవీ షూటింగ్ తో బిజీగా ఉండటం వల్లే సమంత ఈ వివాహ వేడుకకు హాజరు కాలేదని సమాచారం అందుతోంది.

ఈ ఏడాది విడుదలైన కాత్తువాకుల రెండు కాదల్ సినిమాలో నయనతార, సమంత హీరోయిన్లు కాగా ఈ సినిమాకు విఘ్నేష్ శివన్ దర్శకుడు అనే సంగతి తెలిసిందే.సమంత, నయనతార మంచి స్నేహితులు అయినప్పటికీ సమంత మాత్రం నయనతారకు షాకివ్వడం గమనార్హం.

నయన్ విఘ్నేష్ వివాహ వేడుకకు చాలా తక్కువ మందికి ఆహ్వానం అందింది.

ప్రత్యేక కోడ్ ద్వారా ఆహ్వానితులను ఈ వివాహ వేడుకకు అనుమతించారని సమాచారం.

పెళ్లికి హాజరు కాకపోయినా నయన్ విఘ్నేష్ రిసెప్షన్ కు సమంత హాజరవుతారని ఆమె ఫ్యాన్స్ భావిస్తున్నారు.సమంత నటిస్తున్న ఖుషి మూవీ ప్రస్తుతం సెకండ్ షెడ్యూల్ షూటింగ్ జరుపుకుంటోంది.ఈ సినిమాతో కచ్చితంగా మరో సక్సెస్ తన ఖాతాలో చేరుతుందని సమంత కాన్ఫిడెన్స్ తో ఉన్నారు.

విడాకుల తర్వాత సమంతకు క్రేజ్ పెరుగుతుందే తప్ప తగ్గడం లేదు.ఇతర ఇండస్ట్రీల నుంచి కూడా ఆమెకు ఆఫర్లు వస్తున్నాయి.సమంత స్పెషల్ సాంగ్స్ కోసం భారీగా రెమ్యునరేషన్ ను డిమాండ్ చేస్తున్నారని సమాచారం అందుతోంది.

సమంత అడిగినంత రెమ్యునరేషన్ ఇవ్వడానికి నిర్మాతలు సిద్ధంగా ఉన్నారు.సమంతకు రోజురోజుకు ఫ్యాన్ ఫాలోయింగ్ కూడా పెరుగుతున్న సంగతి తెలిసిందే.