మాస్ రాజా రవితేజ ప్రస్తుతం క్రాక్ అనే సినిమాలో నటిస్తూ బిజీగా ఉన్నాడు.దర్శకుడు గోపీచంద్ మలినేని డైరెక్ట్ చేస్తున్న ఈ సినిమాతో మరోసారి అదిరిపోయే హిట్ అందుకుని తన సక్సెస్ ట్రాక్ ఎక్కాలని ఈ డైరెక్టర్ చూస్తున్నాడు.
కాగా ఈ సినిమా తరువాత కూడా తన నెక్ట్స్ మూవీలను లైన్లో పెట్టాడు రవితేజ.
ఇప్పటికే దర్శకుడు త్రినాథ రావుతో ఓ సినిమాను కమిట్ అయిన రవితేజ తన నెక్ట్స్ మూవీని కూడా మరో దర్శకుడు రమేష్ వర్మ డైరెక్షన్లో చేయనున్నట్లు తెలుస్తోంది.
ఈ సినిమాలో హీరోయిన్గా అందాల భామ మాళవిక మోహనన్ నటించే అవకాశం ఉన్నట్లు టాలీవుడ్ వర్గాల్లో వార్తలు వినిపిస్తున్నాయి.ఈ బ్యూటీ ఇప్పటికే రౌడీ హీరో విజయ్ దేవరకొండ సినిమాతో లాంఛ్ కావాల్సి ఉంది.
కానీ కొన్ని కారణాల వల్ల ఆ సినిమా అటకెక్కేసింది.
దీంతో ఇప్పుడు రవితేజ లాంటి క్రేజ్ ఉన్న హీరోతో ఎంట్రీ ఇస్తే తన కెరీర్కు బాగా కలిసొస్తుందని ఆమె ఆలోచిస్తుంది.కాగా ఈ సినిమాను ఇంకా రవితేజ కమిట్ కాకపోవడంతో ఇది ఎప్పుడు మొదలవుతుందా అనే ప్రశ్న అందరిలో నెలకొంది.ఇక త్రినాథరావుతో రవితేజ సినిమా అతిత్వరలో ప్రారంభం కానున్నట్లు తెలుస్తోంది.
అటు క్రాక్ చిత్రాన్ని వేసవి కానుకగా రిలీజ్ చేసేందుకు రవితేజ రెడీ అవుతున్నాడు.