అక్కినేని అఖిల్ హీరోగా ఇప్పటికే పలు సినిమాలు చేసినా ఎందుకో సరైన బ్లాక్బస్టర్ హిట్ మాత్రం అందుకోలేకపోయాడు.దీంతో ఆయన నటిస్తున్న తాజా చిత్రం ‘మోస్ట్ ఎలిజిబుల్ బ్యాచ్లర్’పై ప్రేక్షకులతో పాటు ఇండస్ట్రీ వర్గాల్లో కూడా మంచి అంచనాలు క్రియేట్ అయ్యాయి.
ఈ సినిమాను దర్శకుడు బొమ్మరిల్లు భాస్కర్ తెరకెక్కిస్తుండటంతో మోస్ట్ ఎలిజిబుల్ బ్యాచ్లర్ ఎలాంటి విజయాన్ని అందుకుంటుందా అని అందరూ ఆసక్తిగా చూస్తున్నారు.
ఇక ఈ సినిమా ఫస్ట్ లుక్ పోస్టర్స్, టీజర్లు ఇప్పటికే రిలీజ్ అయ్యి ప్రేక్షకులను అలరించడంలో సక్సెస్ అయ్యాయి.
కాగా ఈ సినిమా కథకు సంబంధించి తాజాగా ఓ వార్త ఇండస్ట్రీ వర్గాల్లో చక్కర్లు కొడుతోంది.ఈ సినిమాలో హీరోహీరోయిన్ల మధ్య రొమాన్స్ ఓ రేంజ్లో ఉండబోతున్నట్లు తెలుస్తోంది.
ఈ సినిమా టైటిల్ చూస్తే హీరో రొమాన్స్కు వ్యతిరేకంగా ఉంటాడని అందరూ అనుకుంటారు.కానీ ఈ సినిమాలో హీరో చేసే రొమాన్స్కు ప్రేక్షకులు నోరెళ్లబెట్టడం ఖాయమని తెలుస్తోంది.
ఇక హీరోయిన్ పూజా హెగ్డే ఈ సినిమాలో చేసే సందడి మామూలుగా ఉండదట.
ముఖ్యంగా హీరోతో ఆమె చేసే రొమాన్స్ ఈ సినిమాలో హైలైట్గా నిలవనున్నట్లు తెలుస్తోంది.
ఇక ఈ సినిమాతో అఖిల్ ఖచ్చితంగా హిట్ కొట్టాలని చూస్తున్నాడు.కాగా ఈ సినిమాను పూర్తి రొమాంటిక్ ఎంటర్టైనర్గా దర్శకుడు బొమ్మరిల్లు భాస్కర్ తెరకెక్కిస్తుండగా, ఈ సినిమాను GA2 పిక్చర్స్ బ్యానర్పై బన్నీ వాస్ ప్రొడ్యూస్ చేస్తోన్న సంగతి తెలిసిందే.
వేసవి కానుకగా ఈ సినిమాను రిలీజ్ చేసేందుకు చిత్ర యూనిట్ రెడీ అవుతుండటంతో ఈ సినిమాతో అఖిల్ ఎలాంటి విజయాన్ని అందుకుంటాడా అని అందరూ ఆసక్తిగా చూస్తున్నారు.కాగా ఈ సినిమాకు గోపిసుందర్ సంగీతం అందిస్తుండటంతో ఈ సినిమా మ్యూజికల్ హిట్గా నిలువనుందని చిత్ర యూనిట్ భావిస్తోంది.