మీకు ఫింగర్-లిక్కింగ్ ఫ్రైడ్ చికెన్ ( Finger-Lickin Fried Chicken )అంటే ఇష్టమా, తినాలని ఉన్నా బ్యాంకు ఖాతాకు చిల్లు పడుతుందని భయపడుతున్నారు.ఇకపై మీకు ఆ భయం అక్కర్లేదు.ఎందుకంటే భారతదేశంలోని ఒక వీధి వ్యాపారి KFC తరహాలో వేయించిన చికెన్ ముక్కను కేవలం రూ.10కే అందిస్తున్నాడు.వినడానికి నమ్మేలా లేకున్నా అది నిజం.మీరు ఇప్పుడు మీ జేబుకు బొక్క పడకుండా క్రిస్పీ, జ్యూసీ చికెన్ తినొచ్చు.నోరూరించే ఈ చీప్ చికెన్ గురించి తెలుసుకుని నెటిజన్లు ఆశ్చర్యపోతున్నారు.ఏంటీ, ఇది నిజమా అంటూ నోరెళ్లబెడుతున్నారు.
సాధారణంగా బయట చికెన్ కొనాలంటే రూ.వందల్లో ఖర్చు చేయక తప్పదు.కానీ ఈ స్ట్రీట్ వెండార్ ( Street vendor )దగ్గర రూ.100 పెడితే కడుపునిండా ఫ్రైడ్ చికెన్ లాగించవచ్చు.ఇండియాలో స్ట్రీట్ ఫుడ్ స్టాల్స్లో రుచికరమైన ఐటమ్స్ దొరుకుతుంటాయని అనడంలో సందేహం లేదు.అవి చీప్గానూ ఉంటాయి.అయితే వాటిని మరీ చీప్గా అమ్మినప్పుడే వైరల్ అవుతుంటాయి.సరిగ్గా ఇప్పుడదే జరిగింది.10కే లభిస్తున్న కేఎఫ్సీ-స్టైల్ ఫ్రైడ్ చికెన్ ముక్కకు సంబంధించి ఓ వీడియో ఇన్స్టాగ్రామ్( Instagram )లో వైరల్ అయింది.
@therealharryuppal అనే ఇన్స్టాగ్రామ్ హ్యాండిల్ దీనిని షేర్ చేసింది.‘అందరినీ వెర్రోళ్లను చేయొద్దు‘ అని దీనికి ఒక క్యాప్షన్ కూడా జత చేసింది.ఈ వీడియోలో బోన్-లెస్ చికెన్ ముక్కలను మసాలా దినుసులలో మిక్స్ చేయడం గమనించవచ్చు.
ఆపై వాటిని ఫ్రై చేసి ప్లేట్స్ లో పెట్టి అందించడం చూడవచ్చు.కాగా ఈ వీడియో చూస్తుంటేనే తమకు నోరూరుతోందని నెటిజన్లు కామెంట్స్ పెట్టారు.రూ.10 అని చెప్పి కాకి మాంసంతో ఇవి తయారు చేస్తున్నారా, ఏంటీ అని ఒక యూజర్ కామెంట్ చేశారు.‘అతను పెద్ద మొత్తంలో చికెన్ కొంటాడేమో.250 గ్రాముల చికెన్ బ్రేస్ట్కి ఈజీగా 10-15 పీస్లు వస్తాయి.అలా ఈ వ్యక్తి ప్రాఫిట్స్ పొందుతూ ఉండొచ్చు.ఇందులో మోసమేమీ ఉండకపోవచ్చు’ అని మరో యూజర్ పేర్కొన్నాడు.ఈ వీడియోని మీరూ చూడండి.