ఆస్ట్రేలియా: క్లీనింగ్ జాబ్స్ చేస్తూ కోటీశ్వరుడైన శ్రీలంకన్ వర్కర్..?

శ్రీలంక నుంచి ఆస్ట్రేలియాకు( Australia ) వెళ్లి కేవలం పది సంవత్సరాలలోనే కోటీశ్వరుడైన వినూల్ కరుణారత్నే (25)( Vinul Karunaratne ) కథ ఇప్పుడు సోషల్ మీడియాలో తెగ వైరల్ అవుతోంది.2015లో ఆస్ట్రేలియా వెళ్లిన వినూల్, అక్కడ మొదట 7-ఎలెవెన్ స్టోర్స్‌లో( 7-Eleven Stores ) పనిచేశాడు.ఆ తర్వాత 2019లో, ‘ఎయిర్‌టాస్కర్’( Airtasker ) అనే ఆన్‌లైన్ ప్లాట్‌ఫామ్ ద్వారా ఇళ్ల శుభ్రపరచడం వంటి పనులు చేయడం మొదలుపెట్టాడు.ఈ ప్లాట్‌ఫామ్ ద్వారా ఎవరైనా తమకు కావలసిన పనులు చేయించుకోవడానికి ఇతరులను నియమించుకోవచ్చు.

ఇలా చేస్తూ చేస్తూ, తన మెయిన్ ఉద్యోగానికి రాజీనామా చేసి, ఈ పార్ట్-టైం పనులపైనే పూర్తిగా దృష్టి పెట్టేంత ఆదాయం సంపాదించాడు.ఇప్పుడు అతను కోటీశ్వరుడు.

వినూల్ కరుణారత్నే తన ఇన్స్పిరేషనల్ జర్నీని 7న్యూస్‌తో పంచుకున్నాడు.తాను చాలా తక్కువ వనరులతో ప్రారంభించాడని చెప్పాడు.“నేను మొదలుపెట్టినప్పుడు నా దగ్గర ఉన్నది వాక్యూమ్ క్లీనర్, మాప్, బకెట్, కొన్ని బట్టలే” అని అతను చెప్పాడు.ఇవన్నీ అతను ఇంట్లో ఉన్న వస్తువులే.

అతను కష్టపడి పనిచేస్తూ 7-ఎలెవెన్ ఉద్యోగానికి రాజీనామా చేయగలిగాడు.ఇప్పుడు అతను ఎయిర్‌టాస్కర్‌లో ఫుల్‌టైం పని చేస్తున్నాడు.ఎయిర్‌టాస్కర్ ప్రకారం, కరుణారత్నే ఆ ప్లాట్‌ఫామ్‌లో అత్యధిక సంపాదకులలో ఒకడు.అతను ప్రతిరోజు 1,000 నుంచి 1,400 డాలర్ల వరకు సంపాదిస్తున్నాడు.అతను ప్రధానంగా ఇళ్లను శుభ్రపరచడం,( House Cleaning ) కార్పెట్లను శుభ్రపరచడం, ఆఫీసులను శుభ్రపరచడం వంటి పనులు చేస్తున్నాడు.

ఎయిర్‌టాస్కర్ స్థాపకుడు, సీఈఓ టిమ్ ఫంగ్, కరుణారత్నే విజయాన్ని ప్రశంసించారు.కష్టపడి పనిచేస్తే ఎవరైనా అదనపు డబ్బు సంపాదించవచ్చని ఆయన అన్నారు.కరుణారత్నే స్టోరీ “ఇన్స్పిరేషనల్” అని ఫంగ్ అన్నారు.

భవిష్యత్తులో ఈ ప్లాట్‌ఫామ్‌లో మరింత అవకాశాలు లభించాలని ఫంగ్ ఆశిస్తున్నారు.

వినూల్ కరుణారత్నే ఎయిర్‌టాస్కర్ ప్లాట్‌ఫామ్‌లో పనిచేయడం గురించి తన అనుభవాన్ని పంచుకున్నాడు.

ఈ ప్లాట్‌ఫామ్ తనను “తనదైన బాస్” గా మార్చిందని అతను చెప్పాడు.అతను, “ఇది శారీరకంగా కష్టమైన పని, కానీ బాగా సంపాదిస్తున్నాను.

నాకు కావాలిసినప్పుడు పని చేయడం నాకు నచ్చుతుంది.నా పనిపై నాకు పూర్తి నియంత్రణ ఉంది” అని చెప్పాడు.