నేషనల్ అవార్డ్ అందుకుని ఎమోషనల్ పోస్ట్ పెట్టిన రిషబ్ శెట్టి.. పోస్ట్ లో ఏమన్నారంటే?

తాజాగా ఢిల్లీ వేదికగా 70వ నేషనల్ ఫిల్మ్ అవార్డుల(National Film Awards) ప్రదానోత్సవ కార్యక్రమం చాలా గ్రాండ్ గా జరిగింది.2022 సంవత్సరానికి గానూ వివిధ భాషల్లో అత్యుత్తమ ప్రతిభ కనబరిచిన నటీనటులు, సాంకేతిక నిపుణులు రాష్ట్రపతి ద్రౌపది ముర్ము(Draupadi Murmu) చేతుల మీదుగా పురస్కారాలు అందుకున్నారు.వారిలో టాలీవుడ్ బాలీవుడ్ అలాగే కోలీవుడ్ సెలబ్రిటీలు కూడా ఉన్నారు.ఇక అవార్డు అందుకున్న వారిలో కన్నడ హీరో రిషబ్ శెట్టి(rishab shetty) కూడా ఒకరు.కాంతార(kantara ) సినిమాకు గాను ఆయన అవార్డును అందుకున్నారు.ఆ సినిమాలో ఆయన అధ్బుతమైన నటన కనబరిచినందుకు గానూ బెస్ట్ యాక్టర్ గా నేషనల్ ఫిలిం అవార్డును ఆందుకున్నారు.

ఈ నేపథ్యంలో రిషన్ సోషల్ మీడియాలో ఎమోషనల్ పోస్ట్ పెట్టారు.రాష్ట్రపతి ద్రౌపదీ ముర్ము(rishab shetty) చేతుల మీదుగా జాతీయ చలనచిత్ర అవార్డును అందుకున్నారు రిషబ్ శెట్టి.ఈ వేడుకకు సాంప్రదాయ బద్దంగా పంచెకట్టులో హాజరై అందరి దృష్టిని ఆకర్షించారు.అవార్డులతో దిగిన ఫొటోలను ట్విట్టర్ లో పంచుకుంటూ, తనకు మద్దతుగా నిలిచిన ప్రేక్షకులకు ధన్యవాదాలు తెలిపారు.

ఇది తమను ముందుకు నడిపించిన ప్రేమకు ప్రతిబింబమని, ఎప్పటికీ కృతజ్ఞతతో ఉంటానని ఆయన పేర్కొన్నారు.ఈ సందర్బంగా ఆయన పోస్ట్ చేస్తూ.ఒక విజన్‌గా ప్రారంభమై మీ అందరి ప్రేమ, అభిరుచి నమ్మకంతో నిండిన ప్రయాణంగా మారింది.

ఈరోజు జాతీయ అవార్డుతో గర్వంగా నిలబడితే మా హృదయాలు కృతజ్ఞతతో ఉప్పొంగి పోతున్నాయి.ఈ గౌరవం మాది మాత్రమే కాదు.మీ అన్ కండిషనల్ సపోర్ట్ కు, ప్రతి అడుగులో మమ్మల్ని ముందుకు తీసుకెళ్లిన మీ ప్రేమకు ప్రతిబింబమే ఈ అవార్డ్.

ఈ కలను నిజం చేసినందుకు హృదయపూర్వకంగా ధన్యవాదాలు తెలుపుకుంటున్నాను.కాంతారా(kantara) మీది మీ ప్రేమకు మేము ఎప్పటికీ కృతజ్ఞులమే అంటూ రిషబ్ పోస్ట్ పెట్టారు.ఇది సోషల్ మీడియాలో వైరల్ గా మారింది.