హెచ్ -1 బీ వీసా విషయంలో అమెరికా మరింత ఖటిన వైఖరిని అవలంభిస్తోంది.ఈ ఏడాది హెచ్-1బీ వీసాలకు వచ్చిన దరఖాస్తు అభ్యర్ధనలలో కేవలం అత్యంత ప్రతిభావంతులకు మాత్రమే ఈ వీసాలు జారీ చేస్తామని హోమ్ల్యాండ్ సెక్యూరిటీ ప్రతినిధులు తేల్చి చెప్పారు.
గతంలోనే ట్రంప్ ఈ విధంగా ప్రకటన చేసిన విషయం విదితమే అయితే ఇప్పుడు వచ్చిన ధరఖాస్తుల్లో కేవలం ప్రతిభావంతులని మాత్రమే ఎంపిక చేస్తామని ఏకంగా అధికారులు సైతం ధ్రువీకరించేశారు.
తమ స్థానికులక ముందు ప్రాధాన్యత ఇవ్వాలనే ఉద్దేశ్యంతోనే ఈ నిర్ణయం తీసుకున్నామని అధికారులు తెలిపారు.ఈ సందర్భంగా హోమ్ల్యాండ్ సెక్యూరిటీ సెక్రటరీ క్రిస్టెన్ నీల్సన్ మాట్లాడుతూ ప్రతీ సంవత్సరం హెచ్-1బీ వీసా దరఖాస్తు దారుల సంఖ్య పెరుగుతూ వస్తోంది.ఈ క్రమంలో కేవలం ప్రతిభావంతులని మాత్రమే తీసుకుంటే కంపెనీలకి సైతం మేలు ఉంటుందని అన్నారు.
అయితే ఈ విధంగా ప్రక్రియ జరిగితేనే పనిలో నాణ్యతతో పాటు అమెరికా ఆర్ధిక అభివృద్ధి కి సైతం ఈ విధానం ఉపయోగకరంగా ఉంటుందని ఆయన తెలిపారు.అంతేకాదు అమెరికా పౌరులకు సైతం ఇక్కడే ఉద్యోగాలు చేసుకునే అవకాశం ఉంటుందని అందుకే ఈ నిర్ణయం తీసుకున్నామని ఆయన అన్నారు.