తెలంగాణలో గ్రూప్ -2 పరీక్ష వాయిదా వేయాలంటూ దాఖలైన పిటిషన్ పై రాష్ట్ర హైకోర్టులో వాదనలు ముగిశాయి.ఇరు పక్షాల వాదనలు విన్న న్యాయస్థానం టీఎస్పీఎస్సీకి కీలక ఆదేశాలు ఇచ్చింది.
గ్రూప్-2 పరీక్షపై ఏ నిర్ణయం తీసుకుంటారో సోమవారం లోపు చెప్పాలని టీఎస్పీఎస్సీకి కోర్టు సూచించింది.ఈ క్రమంలో హడావుడిగా ఒకే నెలలో పరీక్షలు నిర్వహిస్తున్నారని అభ్యర్థుల తరపు న్యాయవాది కోర్టుకు తెలిపారు.
అయితే గ్రూప్-2 పరీక్షకు సంబంధించిన షెడ్యూల్ ఆరు నెలల ముందే వచ్చిందన్న టీఎస్పీఎస్సీ తరపు న్యాయవాది కావాలనే పరీక్షను వాయిదా వేయించే ప్రయత్నం జరుగుతుందని వెల్లడించారు.ఈ నేపథ్యంలో టీఎస్పీఎస్పీ తన నిర్ణయాన్ని సోమవారం ప్రకటించాలన్న ధర్మాసనం తదుపరి విచారణను సోమవారానికి వాయిదా వేసింది.
