లాటరీ తగలడమే పెద్ద అదృష్టంగా భావిస్తారు అందరూ, అదే లాటరీ భారీ స్థాయిలో కోట్ల రూపాయలు కుమ్మరిస్తే, కనీ వినీ ఎరుగని రీతిలో కాసుల వర్షం కురిపిస్తే ఆ ఆనందం మాటల్లో చెప్పలేం.అప్పటి వరకూ గడిపే సాదా సీదా జీవితం ఒక్కసారిగా టర్న్ అయ్యిపోతుంది.
కన్న కలలు అన్నీ నిజం చేసుకునే పరిస్థితులు మన చేతుల్లోనే ఉంటాయి.కానీ అలాంటి అదృష్టం అందరిని వరించదు, వరించిందంటే వాడికంటే అదృష్టవంతుడు మరొకడు ఉండడు.
ఓ అమెరికన్ కు అచ్చం ఇలాంటి అదృష్టమే వరించింది.అంతేనా ఆ భారీ లాటరీ ద్వారా అటు ఏడు తరాలు, ఇటు ఏడు తరాలు కూర్చుని తిన్నా తరగని డబ్బు కుప్పలు తెప్పలుగా వచ్చి పడింది.
పూర్తి వివరాలలోకి వెళ్తే.
అమెరికాలోని కాలిఫోర్నియా కు చెందిన ఓ వ్యక్తీ సరదాగా షాప్ కి వెళ్ళాడు, అవి ఇవి కొంటూ తన అదృష్టం పరీక్షించుకుందామని పవర్ బాల్ టిక్కెట్టు ను కొనుగోలు చేశాడు.
అందరిలా తాను టిక్కెట్టు కొనుగోలు చేశాను లక్కు వరిస్తుందో లేదో అనుకున్నాడు.నిన్నటి రోజు ఉదయం తల్లహస్సీ లోని ఫ్లోరిడా లాటరీ డ్రా స్టూడియో లో తీసిన లక్కీ డ్రా లో సదరు వ్యక్తీ కొనుగోలు చేసిన 10 , 33 , 41, 47 , 56 నెంబర్ గల టిక్కెట్టుకు భారీ జాక్ పాట్ తగిలింది.ఈ టిక్కెట్స్ లో 10 నెంబర్ రెడ్ పవర్ బాల గా నమోదు కావడంతో సదరు వ్యక్తి జీవితంలో ఊహించని విధంగా రూ.16,500 కోట్లు జాక్ పాట్ తగిలింది.దాదాపు 16 రాష్ట్రాలలో ఈ పవర్ బాల్ టిక్కెట్ల ను విక్రయించారు.ఇదిలాఉంటే
పవర్ బాల్ లాటరీ లో ఇంత పెద్ద మొత్తం గెలుచుకున్న వ్యక్తీ ఎవరనేది మాత్రం ఇప్పటి వరకూ వెల్లడించలేదు నిర్వాహకులు.కానీ ఏ రాష్ట్రంలో అయితే ఈ లాటరీ డ్రా తీసారో వారి నిభంధనల ప్రకారం గెలుపొందిన లాటరీ టిక్కెట్టు నెంబర్, వ్యక్తీ పేరు, ఎక్కడి వాడు అనే విషయాలు వెల్లడించి తీరాల్సిందే.అయితే వెల్లడికి కొంత సమయం పడుతుందని నిర్వాహకులు తెలిపారు.
కాగా 1992 లో ప్రారంభం అయిన ఈ పవర్ బాల్ లాటరీ ప్రస్తుతం అమెరికాలో 45 రాష్ట్రాలలో నిర్వహిస్తున్నారు.
.
తెలుగు NRI వార్త విశేషాలు సులభముగా తెలుసుకోండి!!!!
