తండ్రి, కొడుకులు కలిసి నటిస్తున్న తాజా సినిమాలేంటో తెలుసా?

స్టార్ హీరోల సినిమాలు వస్తున్నాయంటే.వారి ఫ్యాన్స్ చేసే హంగామా మామూలుగా ఉండదు.

అలాంటి స్టార్ హీరోలు.తమ వారసులతో కలిసి నటిస్తే.

ఇక తిరుగుండదు.వారి ఫ్యాన్స్ కు చెప్పలేని ఆనందం.

ఆయా సినిమాలు విడుదలకు రెడీ అవుతున్నాయంటే వారి హడావిడి మామూలుగా ఉండదు.ప్రస్తుతం టాలీవుడ్ లో తండ్రి కొడుకులు కలిసి నటించిన పలు సినిమాలు విడుదలకు రెడీ అవుతున్నాయి.

ఇంతకీ ఏ టాప్ హీరోలు తమ కొడుకులతో కలిసి చేసిన సినిమాలను  షేర్ చేసుకుంటున్నారో ఇప్పుడు తెలుసుకునే ప్రయత్నం చేద్దాం.

చిరంజీవి చాలా రోజుల తర్వాత నటించిన సినిమా ఖైదీ నెంబర్-150.

ఈ సినిమాలో రామ్ చరణ్ గెస్ట్ రోల్ చేశాడు.చిరంజీవితో కలిసి డ్యాన్స్ కూడా చేశాడు.

తాజాగా వీరిద్దరు కలిసి ఆచార్య మూవీ చేశారు.కొరటాల శివ తెరకెక్కించిన ఈ సినిమాకు మణిశర్మ సంగీతం అందించాడు.

ఫిబ్రవరి 4న ఈ సినిమా విడుదలకానుంది.అటు నాగార్జున సైతం తన కొడుకుతో కలిసి ఓ సినిమా చేస్తున్నాడు.

బంగార్రాజు సినిమాలో నాగార్జున, నాగచైతన్య కలిసి నటిస్తున్నారు.ఇప్పటికే వీరిద్దరు కలిసి నటించిన మనం మంచి విజయాన్ని అందుకుంది.

తాజాగా ఈ సినిమాతో మరో సారి హిట్ కొడతారేమో చూడాలి.

అటు రెబల్ స్టార్ క్రిష్ణం రాజు ఒకప్పుడు తెలుగు సినిమా పరిశ్రమను ఏలిన నటుడు.ప్రస్తుతం ఆయన ప్రభాస్ హీరోగా చేస్తున్న రాధే శ్యామ్ సినిమాలో కనిపించబోతున్నాడు.ఇప్పటికే వీరి కాంబినేషన్ లో వచ్చిన రెబల్ మూవీ దుమ్ము రేపింది.

దీంతో వీరి తాజా మూవీపై ఓ రేంజిలో అంచనాలు నెలకొన్నాయి.

రాధా క్రిష్ణ తెరకెక్కించిన ఈ సినిమా జనవరి 14న విడుదల కాబోతుంది.అటు అర్జున్ రెడ్డి రీమేక్ తో వెండి తెరకు పరిచయం అయ్యాడు విక్రమ్ కొడుకు ధ్రువ్.వీరిద్దరి కాంబోలో మహాన్ అనే మూవీ రెడీ అవుతుంది.

కార్తీక్ సుబ్బరాజు సినిమాను తెరకెక్కిస్తున్నాడు.ఈ సినిమా 2022లో విడుదల చేసేందుకు సినిమా యూనిట్ ప్రణాళికలు వేస్తుంది.