ఉత్త‌ర‌ప్ర‌దేశ్‌లోని నోయిడాలో దారున ఘటన సంభవించింది.ఓ క్రిమినల్ తొందరపాటు చర్యవల్ల ప్రాణాలు కోల్పోవలసి వచ్చింది.
ఎన్నో నేరాలు చేసిన దగ్గరికి చేరని చావు అతడు వేసిన తప్పడడుగు వల్ల తిరిగి రాని లోకాలకు వెళ్లాడు.ఆ వివరాలు చూస్తే.
గ్రేటర్ నోయిడాలోని ఒమైక్రాన్ అనే ప్రాంతంలో మ‌హ‌మ్మ‌ద్ ఇమ్రాన్ అనే నేర‌స్థుడు ఉంటున్న ఇంటిపై పోలీసులు దాడిచేశారు.అక్కడ పోలీసుల‌కు ఇమ్రాన్ ఇద్ద‌రు బామ్మ‌ర్దులు కంటపడ్దారు.వారిని ప్ర‌శ్నిస్తుండగా, క్రిమినల్ చరిత్ర ఉన్న చాంద్ మ‌హ‌మ్మ‌ద్ భయంతో బాత్రూమ్‌ అని చెప్పి వెళ్లి, పోలీసుల క‌ళ్లుగ‌ప్పి త‌ప్పించుకునేందు‌కు బాత్రూమ్‌ కిటికీలో నుంచి కిందికి దూకాడట.
కాగా వీరుంటున్నది రెండో అంత‌స్థు కావడంతో అక్కడి నుండి క్రిందపడిన మ‌హ‌మ్మ‌ద్ కు తీవ్రంగా గాయాల‌య్యాయట.
విషయాన్ని పసిగట్టిన పోలీసులు వెంటనే క్రిందికి వెళ్ళి వెంటనే అత‌డిని ద‌వాఖాన‌కు త‌ర‌లించ‌గా, చికిత్స పొందుతూ చ‌నిపోయాడ‌ని గ్రేటర్ నోయిడా డీసీపీ రా‌జేష్ కుమార్ సింగ్ తెలిపారు.
