బాలీవుడ్ లో ఎంతో మంది టాలెంటెడ్ యాక్టర్స్ ని స్టార్స్ గా మార్చిన నిర్మాతగా, సెలబ్రిటీ కుటుంబాలని ఇండస్ట్రీకి పరిచయం చేసే వ్యక్తిగా కరణ్ జోహార్ కి మంచి పేరుంది.అలాగే ఎక్కువ సక్సెస్ రేట్ తో సినిమాలు తీసే దర్శాక, నిర్మాతగా కూడా మంచి పేరు ఉంది.
అలాగే హోస్ట్ గా కూడా మోస్ట్ సక్సెస్ ఫుల్ అని చెప్పాలి.తాను నిర్వహించే కాఫీ విత్ కరణ్ అనే టాక్ షోకి మంచి రేటింగ్ ఉంది.
ఇప్పటికే పలు సీజన్స్ ని ఈ షో కంప్లీట్ చేసుకుంది.కరణ్ జోహార్ దర్శకుడుగా ప్రస్తుతం బ్రహ్మాస్త్ర అనే సినిమా చేస్తున్నాడు.
ఈ సినిమా పోస్ట్ ప్రొడక్షన్ దశలో ఉంది.ఇదిలా ఉంటే కరణ్ జోహార్ ని బాలీవుడ్ లో ఎక్కువ గా ద్వేషించే వారిలో కంగనా రనౌత్ ముందు వరుసలో ఉంటుంది.
బాలీవుడ్ లో నెపోటిజం పెరగడానికి కరణ్ జోహార్ ఒక కారణం అని కంగనా విమర్శలు చేస్తుంది.అదే సమయంలో అతని వ్యక్తిత్వాన్ని కూడా కించపరుస్తూ ఉంటుంది.
ఏ మాత్రం అవకాశం వచ్చిన కరణ్ జోహార్ గురించి విమర్శిస్తూ వాఖ్యలు చేసింది.
తాజాగా ఈ భామ బాలీవుడ్ నటి కమ్ హోస్ట్ సిమి గరేవాల్ నిర్వహిస్తున్న రెండెజ్ వస్ విత్ సిమి గరేవాల్ షోకు వెళ్లింది.
గరేవాల్ ఇంటర్వ్యూ చేసిన పద్ధతిని కొనియాడింది.ఓ నటిలోని అంతర్గత విషయాలను సిమి బయటకు తీసే విధానం చాలా బాగుందని ప్రశంసించారు.
అయితే సిమిని కరణ్ జోహార్ తో కంపేర్ చేస్తూ కంగనా రనౌత్ ఆయనపై తీవ్ర వ్యాఖ్యలు చేసింది.సిమి గరేవాల్ కేవలం సబ్జెక్ట్ పరంగానే ప్రశ్నలు వేశారని చెప్పుకొచ్చింది.
కరణ్ మాత్రం కేవలం నటీనటులను టార్గెట్ చేయడమే పనిగా పెట్టుకుంటాడని ఆరోపించింది.కేవలం గాసిప్స్, అనవసరమైన అంశాల గురించి మాట్లాడుతూ వారిని కించపరిచేలా వ్యవహరిస్తుంటాడని వ్యాఖ్యానించింది.
