తెలంగాణ రాష్ట్రంలో మహిళలపై అత్యాచార ఆగడాలు రోజురోజుకీ ఎక్కువవుతున్నాయి.తెలంగాణ రాష్ట్ర రాజధాని అయినటువంటి హైదరాబాదుకి ఎంతో మంది యువత తమ కలలని సాకారం చేసుకోవడానికి వస్తుంటారు.
తాజాగా ఓ యువతి కూడా మోడలింగ్ రంగంలో తన ప్రతిభను చాటు మంచిగా స్థిరపడాలను కుంటూ ఇక్కడికి వచ్చి అత్యాచారానికి గురై న ఘటన ఆలస్యంగా వెలుగులోకి వచ్చింది.
వివరాల్లోకి వెళితే రాష్ట్రంలోని ఓ గ్రామం నుంచి హైదరాబాద్ నగరానికి ఓ యువతి మోడల్ గా రాణించేందుకు అవకాశాల కోసం వచ్చింది.
ఇందులో భాగంగా ఆ యువతి ఎల్లారెడ్డి గూడ లో ఉన్నటువంటి ఓ హాస్టల్లో ఉంటోంది.ఈ క్రమంలో హాస్టల్ యజమాని కొడుకు స్నేహం ఏర్పడింది.అయితే ఆ తర్వాత ఆ యువతి కొద్ది నెలల క్రితం హాస్టల్ ఖాళీ చేసి e తన సోదరుడితో కలిసి తాను నివాసం ఉంటున్న టువంటి ఏరియాలోని ఓ చిన్న గదిని అద్దెకు తీసుకొని ఉంటుంది.అయితే తాజాగా హాస్టల్ యజమాని కొడుకు అయినటువంటి ఆ యువకుడు మరియు అతడి స్నేహితుడు ఆమె గదికి వచ్చాడు.
అయితే అప్పటికే ఆ యువకుడు గంజాయి మత్తులో ఉన్నాడు.దాంతో ఆ యువకుడు యువతిపై అత్యాచారం చేయగా ఆ యువకుడి స్నేహితుడు ఈ అఘాయిత్యాన్ని సెల్ ఫోన్ లో వీడియో తీశాడు.ఆ తర్వాత యువకుడు దీని గురించి ఎవరికీ చెప్పొద్దనీ ఒకవేళ ఎవరికైనా చెబితే చంపేస్తానని బెదిరించాడు. దీంతో ఆ యువతి ఈ విషయాన్ని తమ తల్లిదండ్రులు దృష్టికి తీసుకెళ్లింది.
విషయం తెలుసుకున్న యువతి తల్లిదండ్రులు జూబ్లీహిల్స్ పట్టణ పరిధిలోని పోలీస్ స్టేషన్లో ఫిర్యాదు చేశారు.బాధితురాలు తెలిపిన వివరాల మేరకు ఫిర్యాదు నమోదు చేసుకున్న పోలీసులు నిందితులను అదుపులోకి తీసుకుని విచారణ చేపట్టారు.
.
తెలుగు వార్త విశేషాలు సులభముగా తెలుసుకోండి!!!!
