నా సంపాదన అంతంత మాత్రమే.. మెగాస్టార్ చిరంజీవి ఆసక్తికర వ్యాఖ్యలు వైరల్!

మెగాస్టార్ చిరంజీవికి( Megastar Chiranjeevi ) ప్రేక్షకుల్లో అంచనాలకు అందని స్థాయిలో క్రేజ్ ఉంది.ఎక్స్ పీరియం పార్క్ ( Experience Park )ప్రారంభోత్సవ కార్యక్రమంలో చిరంజీవి పాల్గొనగా ఆయన మాట్లాడుతూ ఆసక్తికర వ్యాఖ్యలు చేశారు.

హైదరాబాద్ కు ఎక్స్ పీరియం పార్క్ తలమానికం అవుతుందని ఆయన అన్నారు.ఈ పార్క్ ఒక కళాఖండంగా మిగిలిపోతుందని ఆయన చెప్పుకొచ్చారు.

ఈ ప్రదేశం మీ అందరికన్నా ముందు నాకు తెలుసని చిరంజీవి తెలిపారు.

నేను హైదరాబాద్ లో ఇల్లు కడుతున్నానని తెలిసి రాందేవ్ ( Ramdev )నాకు కొన్ని మొక్కలు ఇచ్చారని చిరంజీవి చెప్పుకొచ్చారు.

విదేశాలకు వెళ్లిన సమయంలో మాత్రమే అలాంటి మొక్కలు, కళాకృతులు చూస్తుంటామని ఆ సమయంలో మొక్కలను ఇండియాకు తీసుకెళ్తే బాగుంటుందని అనిపించేదని చిరంజీవి కామెంట్లు చేశారు.హైదరాబాద్ శివారులో ఇవి లభిస్తున్నాయంటే ఆనందంగా ఉందని చిరంజీవి తెలిపారు.

మా ఇంటి దగ్గర కూర్చున్న ప్రదేశంలో బయటకు కనిపించకుండా ఫెన్సింగ్ లా డిజైన్ చేయించమని కోరితే రాందేవ్ అద్భుతంగా చేసి ఇచ్చారని చిరంజీవి అన్నారు.నా ఇంటి చుట్టూ అద్భుతమైన చెట్లను పెట్టుకున్నా కూడా రాందేవ్ నాకు వ్యాపారవేత్తలా కనిపించరని ఆయన తెలిపారు.రాందేవ్ నాకు ఒక కళాకారుడిగా కనిపిస్తారని చిరంజీవి పేర్కొన్నారు.ఒకప్పుడు మొక్కల ధరలు వేలు, లక్షల్లో ఉండేవని ఇప్పుడు కోట్లలో ఉంటున్నాయని చిరంజీవి చెప్పుకొచ్చారు.

అసలే నా సంపాదన అంతకంత మాత్రమని కొనలేనేమో అని అనిపించిందని ఆయన పేర్కొన్నారు.ఇలాంటివి పెట్టాలంటే వ్యాపార దృక్పథం సరిపోదని అందుకే రాందేవ్ లో ఒక ఆర్టిస్ట్ ను చూస్తున్నానని చిరంజీవి కామెంట్లు చేశారు.చిరంజీవి వెల్లడించిన విషయాలు సోషల్ మీడియా వేదికగా తెగ వైరల్ అవుతున్నాయి.చిరంజీవి ప్రస్తుతం విశ్వంభర ప్రాజెక్ట్ తో బిజీగా ఉన్న సంగతి తెలిసిందే.ఈ సినిమా రిలీజ్ డేట్ గురించి త్వరలో క్లారిటీ వచ్చే ఛాన్స్ అయితే ఉంది.