సంక్రాంతి పండుగ సందర్భంగా విక్టరీ వెంకటేష్ (Venkatesh) హీరోగా నటించిన సంక్రాంతికి వస్తున్నాం(Sankranthiki Vastunnam ) సినిమా ప్రేక్షకుల ముందుకు వచ్చి ఎంతో అద్భుతమైన విజయాన్ని అందుకున్న సంగతి తెలిసిందే.సంక్రాంతి పండుగ సందర్భంగా జనవరి 14వ తేదీ విడుదలైన ఈ సినిమా ఇప్పటికీ అద్భుతమైన కలెక్షన్లను రాబడుతూ దూసుకుపోతుంది.
ఇప్పటికే సుమారు 260 కోట్ల కలెక్షన్లను సాధించి దూసుకుపోతున్న ఈ సినిమా త్వరలోనే 300 కోట్ల క్లబ్ లోకి చేరబోతుందని తెలుస్తుంది.
ఇక వెంకటేష్ సినీ కెరియర్ లో ఈ చిత్రం అత్యధిక కలెక్షన్లు రాబట్టిన సినిమాగా రికార్డులు సాధించింది.
ఇక ఈ సినిమాలో వెంకటేష్ తో పాటు నటి ఐశ్వర్య రాజేష్(Aishwarya Rajesh) మీనాక్షి చౌదరి (Meenakshi Chowdary) నటించారు.ఈ సినిమా హిట్ కావడంతో వీరి క్రేజ్ మరింత పెరిగిపోయింది.
ఇక ఈ సినిమా గురించి ఇటీవల డైరెక్టర్ అనిల్ రావిపూడి (Anil Ravipudi) మాట్లాడుతూ చేసిన కామెంట్స్ వైరల్ అవుతున్నాయి.ఈ సినిమాని హిందీలో చేసే ఆలోచనలో ఉన్నారని స్పష్టమవుతుంది.
ఇటీవల ఓ కార్యక్రమంలో భాగంగా ఇదే విషయం గురించి అనిల్ రావిపుడికి ప్రశ్నలు ఎదురవడంతో తనకు ఈ సినిమాని హిందీలోకి తీసుకువెళ్లాలనే ఆలోచన ఉందని తెలిపారు.అయితే అందులో హీరోగా ఎవరో నటిస్తే బాగుంటుందనే ప్రశ్న కూడా ఎదురు కావడంతో ఈ కథ నటుడు షారుఖ్ ఖాన్ (Sharukh Khan) గారికి సరిగా సూట్ అవుతుంది అంటూ అనిల్ రావిపూడి చెప్పినట్టు తెలుస్తుంది.మరి ఈ సినిమా హిందీ రీమేక్ గురించి వస్తున్నటువంటి వార్తలలో ఎంతవరకు నిజం ఉంది అనేది తెలియాలి అంటే అధికారిక ప్రకటన రావాల్సిందే.
తెలుగు వార్త విశేషాలు సులభముగా తెలుసుకోండి!!!!
