తెలుగు, తమిళంతో పాటు ఇతర భాషల సినిమాల్లో కూడా నటించి నటిగా మనోరమ పాపులారిటీని సొంతం చేసుకున్నారు.1500కు పైగా సినిమాల్లో నటించిన మనోరమ తన సినీ కెరీర్ లో ఎన్నో ఘనవిజయాలను సొంతం చేసుకున్నారు.ఇతర భాషలతో పోలిస్తే మనోరమ తమిళంలో ఎక్కువగా నటించడం గమనార్హం.అభిమానులు మనోరమను ప్రేమతో ఆచి అని పిలుస్తారు.
సినీ నటిగా మనోరమ గిన్నీస్ బుక్ లో సైతం స్థానాన్ని సంపాదించుకోవడం గమనార్హం.ప్రపంచంలోనే అత్యధిక సినిమాలలో 1987 సంవత్సరంలో నటించడంలో గిన్నీస్ రికార్డ్ ఆమె సొంతమైంది.
అయితే మనోరమ మరో అరుదైన రికార్డును కూడా సొంతం చేసుకున్నారు.ఈ నటి ఏకంగా ఐదుగురు సీఎంలతో సినిమాల్లో నటించడం గమనార్హం.
సినిమాల ద్వారా గుర్తింపు తెచ్చుకున్న పలువురు నటులు రాజకీయాల్లోకి వెళ్లి ముఖ్యమంత్రులయ్యారు.
అలా ముఖ్యమంత్రులైన నందమూరి తారకరామారావు, జయలలిత, కరుణానిధి, ఎం జి రామచంద్రన్, అణ్ణా దురైలతో కలిసి నటించారు.1958 సంవత్సరంలో నటిగా తెరంగేట్రం చేసిన మనోరమ సింగం 2 సినిమాలో చివరిగా నటించారు.మనోరమగా పాపులారిటీని సంపాదించుకున్న ఈ నటి అసలు పేరు గోపి శాంత కావడం గమనార్హం.2015 సంవత్సరం మనోరమ గుండె సంబంధిత వ్యాధితో మృతి చెందారు.
మనోరమ నటనకు కోట్ల సంఖ్యలో అభిమానులు ఉన్నారు.
తమిళంలోని స్టార్ హీరోల సినిమాలలో ఎక్కువగా మనోరమ నటించారు.తెలుగులో అరుంధతి సినిమా మనోరమకు మంచి పేరు తెచ్చిపెట్టింది.నేడు మనోరమ పుట్టినరోజు కావడం గమనార్హం.1937 సంవత్సరంలో మనోరమ జన్మించారు.తమిళనాడు రాష్ట్రంలోని మన్నార్ గుడి ఆమె స్వస్థలం.ఆమె గిన్నీస్ బుక్ లో ఎక్కి క్రియేట్ చేసిన రికార్డును 2009 సంవత్సరం వరకు ఎవరూ బ్రేక్ చేయలేకపోయారు.
సినిమాల్లోకి రాకముందు మనోరమ 1000కు పైగా నాటక ప్రదర్శనలు కూడా ఇవ్వడం గమనార్హం.
