ప్రేమమ్ సినిమా ద్వారా హీరోయిన్ గా ఇండస్ట్రీకి పరిచయమయ్యారు నటి సాయి పల్లవి( Sai Pallavi ).ఇలా మొదటి సినిమాతోనే ఎంతో మంచి సక్సెస్ అందుకున్న ఈమె తెలుగులోకి మాత్రం ఫిదా సినిమా( Fida Movie ) ద్వారా ఎంట్రీ ఇచ్చారు.
ఇక ఈ సినిమా కూడా మంచి సక్సెస్ అందుకుందని చెప్పాలి.ఇలా సాయి పల్లవి ఇండస్ట్రీలోకి అడుగుపెట్టిన అతి తక్కువ సమయంలోనే స్టార్ హీరోయిన్గా మంచి సక్సెస్ అందుకున్నారు.
ఒకప్పుడు కేవలం సౌత్ సినిమాలకు మాత్రమే పరిమితమైన సాయి పల్లవి ప్రస్తుతం బాలీవుడ్ సినిమా అవకాశాలను కూడా అందుకుంటూ కెరియర్ పట్ల బిజీ అయ్యారు.
ఇదిలా ఉండగా ఇటీవల అమరన్ ( Amaran ) సినిమా ద్వారా ప్రేక్షకుల ముందుకు వచ్చి మరో హిట్ సినిమాని తన ఖాతాలో వేసుకున్న ఈమె త్వరలోనే నాగచైతన్య సరసన నటిస్తున్న తండేల్ సినిమా ద్వారా ప్రేక్షకుల ముందుకు రాబోతున్నారు.ఇక ఈ సినిమాతో పాటు బాలీవుడ్ స్టార్ హీరో రణబీర్ కపూర్ నటిస్తున్న రామాయణం సినిమాలో కూడా సాయి పల్లవి సీత పాత్రలో నటిస్తూ కెరియర్ పట్ల బిజీగా ఉన్నారు.ఇక సాయి పల్లవి నటన గురించి చెప్పాల్సిన పనిలేదు.
ఎలాంటి సన్నివేషంలోనైనా లీనం అవుతూ ఆ పాత్రకు ఆ సన్నివేశానికి ప్రాణం పోస్తారని చెప్పాలి.ఇలా నటన మాత్రమే కాదు డాన్స్ కూడా ఎంతో చక్కగా చేస్తారు.సాయి పల్లవి డాన్స్ అంటే హీరోలు కూడా కాస్త భయపడతారని ఇటీవల పలు సందర్భాలలో కొంతమంది హీరోలు బహిరంగంగా ఈ విషయాన్ని వెల్లడించారు.సాయి పల్లవి డాన్స్ స్పీడును తాము బీట్ చేయలేమని చెబుతూ ఉంటారు.
ఇలా నటన డాన్స్ మాత్రమే కాదు ఈమెలో తెలియని మరో టాలెంట్ కూడా దాగి ఉందని తెలుస్తుంది.మరి సాయి పల్లవి ఇన్నాళ్లు దాచిన ఆ టాలెంట్ ఏంటి అనే విషయానికి వస్తే ఈమె డాన్సర్ మాత్రమే కాదు మంచి సింగర్ అని కూడా చెప్పాలి.
ఇటీవల అమరన్ సినిమా ప్రమోషన్లలో భాగంగా మీరు ప్రతిరోజు ఏ దేవుడి పాట పాడుతారని ప్రశ్న వేయడంతో ఈమె కృష్ణుడి పాట పాడుతాను అంటూ ఎంతో చక్కగా ప్రొఫెషనల్ సింగర్( Singer )తరహాలో ఆ పాటను పాడి అందరినీ ఆశ్చర్యానికి గురి చేశారు.ఇక ఈ వీడియో వైరల్ గా మారడంతో అమ్మ సాయిపల్లవి నీలో ఈ హిడెన్ టాలెంట్ కూడా దాగి ఉందా అంటూ కామెంట్లు చేస్తున్నారు.
తెలుగు వార్త విశేషాలు సులభముగా తెలుసుకోండి!!!!
సినిమా కబుర్లు
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
