జయశంకర్ భూపాలపల్లి జిల్లాలోని కాళేశ్వరం ప్రాజెక్టు( Kaleshwaram Project )ను స్టేట్ డ్యామ్ సేఫ్టీ బృందం పరిశీలించింది.ఇప్పటికే మేడిగడ్డ, అన్నారం బ్యారేజీలపై నేషనల్ బృందం నివేదిక ఇచ్చిన సంగతి తెలిసిందే.
ఈ క్రమంలోనే తాజాగా మరోసారి కాళేశ్వరం ప్రాజెక్టుపై నేషనల్ డ్యామ్ సేఫ్టీ బృందం లోతుగా అధ్యయనం చేయనుందని తెలుస్తోంది.
ప్రస్తుతం బ్యారేజీలను పరిశీలించిన స్టేట్ డ్యామ్ సేఫ్టీ బృందం మేడిగడ్డ( Medigadda ), అన్నారం బ్యారేజీలతో పాటు సుందిళ్ల బ్యారేజ్( Sundilla Barrage ) పై రిపోర్టు తయారు చేయనుంది.ప్రాజెక్టులు డిజైన్ ప్రకారమే నిర్మించారా? లేదా డిజైన్ లో లోపం ఉందా? నాణ్యత లోపించిందా అనే అంశాలపై స్టేట్ మరియు నేషనల్ బృందాలు వేరు వేరుగా నివేదికలను తయారు చేయనున్నాయి.అనంతరం ఈ నివేదికలను ప్రభుత్వానికి అందజేయనున్నారు.
కాగా ఈ బృందంలో సభ్యులుగా సెంట్రల్ సాయిల్ అండ్ మెటల్ రీసెర్చ్ శాస్త్రవేత్తలు ఉన్నారన్న సంగతి తెలిసిందే.ఈ క్రమంలోనే నివేదికల అనంతరం ప్రభుత్వం ఎటువంటి చర్యలు తీసుకుంటుందనే వ్యవహారంపై సర్వత్రా ఉత్కంఠ నెలకొంది.
