రాజన్న సిరిసిల్ల జిల్లా గంభీరావుపేట మండలం నర్మాల గ్రామంలో ఏర్పాటు చేసిన సంపద వనంలో పూర్తి స్థాయిలో మొక్కలు నాటాలని జిల్లా కలెక్టర్ అనురాగ్ జయంతి ఆదేశించారు.12 ఎకరాల విస్తీర్ణంలో 5 బ్లాకుల్లో 5 వేల మొక్కలు నాటేందుకు ఈ సంపద వనం ఏర్పాటు చేయడం జరిగిందని అన్నారు.
ఇప్పటికే గుంతలు తీసిన వాటిలో త్వరగా మొక్కలు నాటాలని, నాటిన మొక్కలను సంరక్షించే విధంగా చర్యలు చేపట్టాలని కలెక్టర్ ఆదేశించారు.ఈ కార్యక్రమంలో జెడ్పీ సీఈవో గౌతం రెడ్డి, అదనపు డీఆర్డీఓ మదన్ మోహన్, ఎంపీడీఓ శ్రీనివాస్, ప్రిన్సిపాల్ నిర్మల, తదితరులు పాల్గొన్నారు.
