ఆ రెండు జిల్లాల్లో జనసేన సునామి సృష్టించబోతోందా..? హీరో శివాజీ సంచలన సర్వే!

ప్రభుత్వం కూడా ఎప్పటికప్పుడు పవన్ కళ్యాణ్ పర్యటిస్తున్న ప్రాంతాలలో సర్వేలను నిర్వహిస్తూ ఉంది.ఈ సర్వేలు కూడా పవన్ కళ్యాణ్ వైపే మొగ్గు చూపిస్తూ ఉండడం తో అధికార పార్టీ లో గుబులు మొదలైంది.ఇకపోతే రీసెంట్ గా ప్రముఖ హీరో శివాజీ( Shivaji ) ప్రస్తుత రాజకీయాలపై కొన్ని ఆసక్తికరమైన వ్యాఖ్యలు చేసాడు.

ఆయన మాట్లాడుతూ, ఆంధ్ర ప్రదేశ్ లో ప్రస్తుతం వైసీపీ పార్టీ పై జనాల్లో చాలా తీవ్రమైన వ్యతిరేకత ఉందని, కచ్చితంగా వచ్చే ఎన్నికలలో చిత్తు చిత్తు గా ఓడిపోతుందని చెప్పుకొచ్చాడు.అలాగే పవన్ కళ్యాణ్ జనసేన పార్టీ( Janasena party ) బలం చాలా పుంజుకుందని, వైసీపీ పార్టీ కంటే జనసేన పార్టీ పై జనాల్లో ఎక్కువ నమ్మకం ఉందని చెప్పుకొచ్చాడు.

కూటమిగా వెళ్లినా, ఒంటరిగా వెళ్లినా జనసేన పార్టీ ఉభయ గోదావరి జిల్లాల్లో ప్రభంజనం సృష్టించడం ఖాయమని చెప్పుకొచ్చాడు హీరో శివాజీ.ఆయనకి చాలా సర్వే ఏజెన్సీస్ తో కాంటాక్ట్స్ ఉన్నాయట, వాళ్ళు ఇచ్చిన సమాచారం ప్రకారమే చెప్తున్నాను అని చెప్పుకొచ్చాడు.

ఇది ఇలా ఉండగా పవన్ కళ్యాణ్ ‘వారాహి విజయ యాత్ర’ మొదటి విడత పర్యటన నేటితో ముగియనుంది.నేడు ‘నర్సాపురం’ లో నిర్వహించే సభ ఆంధ్ర ప్రదేశ్ రాష్ట్ర రాజకీయాల్లో ప్రకంపనలు సృష్టిస్తుందని అంటున్నారు జనసేన పార్టీ నాయకులు.ఇక రెండవ విడత యాత్ర ని వచ్చే నెల 11 వ తారీఖు నుండి పశ్చిమ గోదావరి జిల్లాలో జరగనుందని సమాచారం.అప్పటి వరకు ఆయన సినిమా షూటింగ్స్ లో బిజీ గా గడపనున్నాడు.

తొలి విడత వారాహి పర్యటన జనసేన పార్టీ నాయకుల్లో మరియు అభిమానుల్లో మామూలు జోష్ నింపలేదు.కచ్చితంగా ఈసారి బలంగా కొడుతామనే నమ్మకాన్ని కలిగించింది ఈ యాత్ర.

చూడాలి మరి రాబొయ్యే రోజుల్లో ఈ యాత్ర కి ఇంకెంత ఆదరణ దక్కబోతుందో అనేది.