టాలీవుడ్ లో బ్యూటిఫుల్ యాంకర్ల లిస్టులో మొదటి పేరు మొదటి పేరు బ్యూటిఫుల్ యాంకర్ అనసూయ భరద్వాజ్ పేరు ఉంటుంది.అయితే ఈ అమ్మడు బుల్లితెర తెరమీద చానల్ తో సంబంధం లేకుండా దాదాపుగా అన్ని ప్రముఖ ఛానల్ లను కవర్ చేస్తూ పలు రకాల షోలు ఈవెంట్లతో తెలుగు ప్రేక్షకులను ఎంతగానో అలరిస్తోంది.
అయితే ఈ మధ్య కాలంలో షూటింగులలో లేకపోవడంతో యాంకర్ అనసూయ సోషల్ మీడియా మాధ్యమాలలో తెగ హల్ చల్ చేస్తూ తన అభిమానులతో ముచ్చటించింది.
కాగా తాజాగా యాంకర్ అనసూయ తన వైవాహిక జీవితం గురించి పలు అంశాలను తన అభిమానులతో పంచుకుంది.
అయితే ఇందులో భాగంగా తాను తన భర్తతో 16 ఏళ్ళ వయసులోనే ప్రేమలో పడ్డారని, రెండు, మూడు సార్లు పెళ్లి చేసుకుందామని తన భర్తని ప్రేరేపించినప్పటికీ తన భర్త మాత్రం పెళ్లి అందరి కుటుంబ సభ్యుల అంగీకారంతో పెద్దల సమక్షంలోనే జరగాలని సర్ది చెప్పుకొచ్చాడట.
పెళ్లి జరిగిన తర్వాత కూడా తాము ఎంతో సంతోషంగా ఉన్నామని, భార్యాభర్తలన్నమాట అప్పుడప్పుడు చిన్నచిన్న మనస్పర్ధలు, గొడవలు వస్తుంటాయని అంత మాత్రాన విడిపోవాలనుకోవడం సరికాదని అభిప్రాయం వ్యక్తం చేసింది.
అలాగే తాము ప్రతీవారం విడాకులు తీసుకుంటామని కానీ అంతలోనే మళ్ళీ కలిసి మాట్లాడుకుని ఒక్కటవుతామని సరదాగా నవ్వుతూ చెప్పుకొచ్చింది.
ఈ విషయం ఇలా ఉండగా ప్రస్తుతం చేతినిండా ఆఫర్లతో దూసుకుపోతోంది.
ప్రస్తుతం టాలీవుడ్ మెగాస్టార్ చిరంజీవి హీరోగా నటిస్తున్న “ఆచార్య” అనే చిత్రంలో ప్రాధాన్యత ఉన్నటువంటి పాత్రలో నటిస్తోంది.అంతేగాక రంగమార్తాండ అనే చిత్రంలో కూడా దేవదాసి పాత్రలో నటించనున్నట్లు సమాచారం.
దీంతో ఈ అమ్మడు ప్రస్తుతం టాలీవుడ్ లో ఒక పక్క సినిమాలు మరో పక్క షోలు, ఈవెంట్లు అంటూ బిజీబిజీగా గడుపుతోంది.
