టిడిపి అధినేత చంద్రబాబు( Chandrababu Naidu ) అరెస్టు తర్వాత వివాదాల దర్శకుడు రామ్ గోపాల్ వర్మ( Ram Gopal Varma ) సోషల్ మీడియా ద్వారా మరింతగా తన ప్రతాపాన్ని చూపిస్తున్నారు.టిడిపి పైన, ఆ పార్టీ అధినేత చంద్రబాబుపైన సెటైర్లు వేస్తూ అనేక కామెంట్లు చేస్తున్నారు.
మొదటినుంచి టిడిపి విషయంలో వర్మ ఇదే వైఖరితో ఉంటూ వస్తున్నారు. పరోక్షంగా వైసిపికి మద్దతు పలుకుతూ సందర్భం దొరికినప్పుడల్లా టిడిపి, ఆ పార్టీ అధినేత చంద్రబాబు, లోకేష్ ల పైన విమర్శలు చేస్తూ ఉంటారు.
తాజాగా మరోసారి ట్వీట్ చేసిన వర్మ ఈసారి జూనియర్ ఎన్టీఆర్( Jr NTR ) అంశాన్ని తెరపైకి తీసుకువచ్చారు.చంద్రబాబు అరెస్టు పై జూనియర్ ఎన్టీఆర్ స్పందించకపోవడం, కనీసం సోషల్ మీడియా ద్వారా అయినా తన సందేశాన్ని వినిపించకపోవడం వంటి వాటిపై ఇప్పటికే టిడిపి నాయకులు( TDP ) జూనియర్ ఎన్టీఆర్ ను టార్గెట్ చేసుకుని అనేక విమర్శలు చేస్తున్నారు.దీనిపై ఎన్టీఆర్ ఫ్యాన్స్ టిడిపి పై తీవ్ర ఆగ్రహం వ్యక్తం చేస్తున్నారు.ఈ వివాదాలు ఇలా కొనసాగుతుండగా వర్మ చేసిన తాజా ట్వీట్ మరింత దుమారాన్ని రేపింది.
తాజా ట్వీట్ లో యంగ్ టైగర్ ఎన్టీఆర్ ప్రస్తావన తీసుకొచ్చారు.‘ చంద్రబాబు అరెస్ట్ ను ఖండించడంలో కానీ, స్పందించడంలో కానీ యంగ్ టైగర్ అసలు కేర్ చేయడం లేదంటూ.టిడిపి ఫ్యూచర్ ఇక దబిడి దిబిడే అంటూ తన ట్వీట్ లో ప్రస్తావించారు.ఇటీవల కాలంలో టిడిపి తో పాటు, జనసేన ఆ పార్టీ అధినేత పవన్ కళ్యాణ్ పైన( Pawan Kalyan ) రాంగోపాల్ వర్మ ట్వీట్లు చేస్తున్నారు.
ఇప్పటికే టిడిపి అధినేత చంద్రబాబు అరెస్టు, పవన్ ను పోలీసులు అడ్డుకోవడం పైన సెటైర్లు వేశారు .ఇక జూనియర్ ఎన్టీఆర్ ఈ వ్యవహారాలపై స్పందించకపోవడంపై వస్తున్న కామెంట్స్ పై తాజాగా టిడిపి పై సెటైర్లు వేశారు.
