టాలీవుడ్ దర్శకధీరుడు రాజమౌళి ప్రస్తుతం బిగ్గెస్ట్ మల్టిస్టారర్ మూవీ ఆర్ఆర్ఆర్ను తెరకెక్కిస్తూ యమబిజీగా ఉన్నాడు.గతంలో బాహుబలి చిత్రంతో టాలీవుడ్ సినిమాకు అంతర్జాతీయ గుర్తింపును తీసుకొచ్చిన డైరెక్టర్గా రాజమౌళి రికార్డు సృష్టించాడు.
ఈ ఒక్క సినిమాతో రాజమౌళికి అనేక భాషల్లో అభిమానులు ఏర్పడ్డారు.ఇక రాజమౌళి తాజాగా ఓ అదిరిపోయే రికార్డును తన పేరుపై నమోదు చేసుకున్నారు.
సెలబ్రిటీలు తమ అభిమానులకు అందుబాటులో ఉండేందుకు సోషల్ మీడియాను వేదికగా చేసుకుంటారు.ఇందులో భాగంగా రాజమౌళి కూడా ట్విట్టర్లో తరుచూ అభిమానులకు అందుబాటులో ఉంటారు.ఈ క్రమంలో రాజమౌళి ట్విట్టర్ అకౌంట్లో ఏకంగా 5 మిలియన్ మంది ఫాలోవర్లను సంపాదించుకున్నాడు.ఈ ఘనత సాధించిన అతికొద్ది మంది డైరెక్టర్స్లో రాజమౌళి ఒకరు.
కేవలం స్టార్ హీరోలకు, హీరోయిన్లకే సొంతమైన ఇలాంటి అరుదైన ఫీట్ను రాజమౌళి సాధించడంతో ఆయన అభిమానులు సంతోషం వ్యక్తం చేస్తున్నారు.
కాగా రాజమౌళి 5 మిలియన్ ఫాలోవర్స్ మార్క్ను సాధించడంతో పలువురు ఆయనకు అభినందనలు తెలుపుతున్నారు.
ఇక ఆర్ఆర్ఆర్ చిత్రంతో మరోసారి తన మార్క్ను ప్రపంచానికి చూపించేందుకు జక్కన్న రెడీ అవుతున్నాడు.యంగ్ టైగర్ ఎన్టీఆర్, మెగా పవర్ స్టార్ రామ్ చరణ్ కలిసి నటిస్తు్న్న ఆర్ఆర్ఆర్ చిత్ర షూటింగ్ను త్వరలో మళ్లీ ప్రారంభించేందుకు జక్కన్న అండ్ టీమ్ రెడీ అవుతున్నారు.