యంగ్ టైగర్ ఎన్టీఆర్ ప్రస్తుతం టాలీవుడ్ బిగ్గెస్ట్ మల్టీస్టారర్ మూవీ ఆర్ఆర్ఆర్ కోసం తీవ్రంగా కష్టపడుతున్నాడు.ఇప్పటికే మెజారిటీ షూటింగ్ పూర్తి చేసుకున్న ఈ సినిమా లాక్డౌన్ తరువాత మిగతా షూటింగ్ను పూర్తి చేసుకోనుంది.
ఇక ఈ సినిమా పూర్తి కాకముందే తారక్ తన నెక్ట్స్ మూవీని మాటల మాంత్రికుడు త్రివిక్రమ్ డైరెక్షన్లో తెరకెక్కించేందుకు రెడీ అయ్యాడు.
ఎన్టీఆర్ కెరీర్లో 30వ చిత్రంగా రానున్న ఈ సినిమా షూటింగ్ కూడా అతి త్వరలో ప్రారంభించేందుకు చిత్ర యూనిట్ రెడీ అవుతోంది.
అయితే తన నెక్ట్స్ చిత్రాలను కూడా క్యూలో పెట్టేందుకు రెడీ అవుతున్నాడు తారక్.ఇప్పటికే సూపర్ హిట్ మూవీ కేజీఎఫ్ చిత్ర దర్శకుడు ప్రశాంత్ నీల్ చెప్పిన కథకు ఓకే చెప్పినట్లు తెలుస్తోంది.
ఇక జూనియర్ ఎన్టీఆర్ తనకు జనతా గ్యారేజ్ వంటి బ్లాక్బస్టర్ హిట్ అందించిన స్టార్ డైరెక్టర్ కొరటాల శివ దర్శకత్వంలో కూడా ఓ సినిమా చేసేందుకు రెడీ అవుతున్నాడు.
ఇలా ఏకంగా నాలుగు సినిమాలను క్యూలో పెట్టాడు యంగ్ టైగర్.
అంటే రానున్న మూడేళ్లపాటు తారక్ డైరీలో ఖాళీ అనేది లేదనే చెప్పాలి.మరి తారక్కు ఈ సినిమాలు ఎలాంటి రికార్డులను తెచ్చిపెడతాయో చూడాలి.