నేడు నారా లోకేష్ పుట్టినరోజు( Nara Lokesh Birthday ) సందర్భంగా రెండు తెలుగు రాష్ట్రాలలో భారీ ఎత్తున పుట్టినరోజు వేడుకలు నిర్వహించారు.ఆంధ్రప్రదేశ్ రాష్ట్రంలో లోకేష్ జన్మదిన వేడుకలు టీడీపీ( TDP ) కేడర్ అంగరంగ వైభవంగా నిర్వహించడం జరిగింది.
ఈ క్రమంలో చాలా చోట్ల అన్నదాన కార్యక్రమాలతో పాటు రోగులకు పండ్లు ఇవ్వడం వంటి సహాయ కార్యక్రమాలు చేయడం జరిగింది.రాష్ట్రవ్యాప్తంగా చాలా చోట్ల తెలుగుదేశం కార్యాలయాల్లో కేక్ కట్ చేశారు.
విదేశాలలో కూడా లోకేష్( Nara Lokesh ) పుట్టినరోజు వేడుకలు ఘనంగా జరిగాయి.ఇదే సమయంలో పలు రాజకీయ పార్టీలకు చెందిన వాళ్లు లోకేష్ కి బర్త్ డే విషెస్ తెలియజేశారు.దీంతో నారా లోకేష్ తన జన్మదిన వేడుకలు ఘనంగా జరిపిన ప్రతి ఒక్కరికి కృతజ్ఞతలు తెలియజేస్తూ సోషల్ మీడియాలో పోస్ట్ పెట్టారు.”జనం మెచ్చేలా నా జన్మదినం జరిపారు, ప్ర‌జాసేవా కార్యక్రమాలతో స్ఫూర్తిగా నిలిచారు.పుట్టిన‌రోజుని( Birthday ) పండ‌గ చేసిన ప్ర‌తీ ఒక్క‌రికీ కృతజ్ఞతలు.
నా పుట్టిన రోజుని ఓ పండ‌గ‌లా జరిపిన ప్ర‌తీ ఒక్క‌రికీ కృతజ్ఞతలు తెలియ‌జేస్తున్నాను.తెలుగు రాష్ట్రాల వ్యాప్తంగా పెద్ద ఎత్తున సేవా కార్యక్రమాలు చేప‌ట్టిన తెలుగుదేశం నేత‌లు, కార్య‌క‌ర్త‌లు, అభిమానులు స్ఫూర్తిగా నిలిచారు.నా జన్మదినం జ‌నంకి ఉప‌యోగ‌ప‌డేలా వివిధ సేవా కార్యక్రమాలు చేప‌ట్ట‌డం వ‌ల్ల నా జ‌న్మ సార్థ‌క‌మైంద‌ని ఆనందిస్తున్నాను.
వివిధ మాధ్య‌మాల ద్వారా పుట్టినరోజు శుభాకాంక్ష‌లు తెలిపిన అంద‌రికీ పేరుపేరునా కృతజ్ఞతలు.మీ ఆశీస్సులు, ఆశీర్వాదాలు నాకు కొండంత బ‌లం.నా జీవితం ప్ర‌జాసేవ‌కే అంకితం” అని లోకేష్ పోస్ట్ పెట్టడం జరిగింది.
