అమెరికా సెనేట్ బరిలో ఏపీ సంతతి మహిళ

డెమొక్రాట్లకు కంచుకోటగా పరిగణించే 11వ కాంగ్రెషనల్ జిల్లాలో ఎక్కువగా వాషింగ్టన్ డీసీ శివార్లలోని సంపన్న ఫెయిర్‌ఫాక్స్ కౌంటీలో ఉంది.ఇక్కడ సుమారు 17 శాతం ఆసియా జనాభా ఉండగా… 7 శాతం భారతీయ అమెరికన్లు ఉన్నారు.భారతీయ అమెరికన్లతో సహా ఆసియా అమెరికన్లు మొదటి నుంచి డెమొక్రాటిక్ పార్టీ అభ్యర్ధులకు మద్ధతు ఇస్తారు.

అయితే నవంబర్‌ కాంగ్రెషనల్ ఎన్నికల్లో ప్రస్తుత కాంగ్రెస్ సభ్యుడు, ఆరుసార్లు విజేతగా నిలిచిన జెర్రీ కొన్నోలీని ఆమె ఢీకొట్టనున్నారు.ప్రస్తుత రాజకీయ పరిస్ధితులతో పాటు అధ్యక్షుడు డొనాల్డ్ ట్రంప్ విజయవంతమైన విధానాల కారణంగా ఈసారి పెద్ద సంఖ్యలో డెమొక్రాటిక్ పార్టీ మద్ధతుదారులు రిపబ్లికన్ పార్టీ వైపు చూస్తున్నట్లు మంగ తెలిపారు.

ఎన్నికల ప్రక్రియకు సంబంధించి శనివారం వాషింగ్టన్ డీసీకి చెందిన వర్జీనియా శివారు ప్రాంతం హెర్న‌డొన్ నుంచి మంగా ప్రచారం ప్రారంభించారు.మంగ తన MANGAను ‘‘మేకింగ్ అమెరికన్స్ గ్రేట్ ఎగైన్‌’’గా పేర్కొన్నారు.

పన్నులు తగ్గించడం, మహిళలకు సమాన హక్కులు, చిన్న మధ్య తరహా వ్యాపారాభివృద్ధికి ప్రోత్సాహం, సరసమైన ఆరోగ్య సంరక్షణతో పాటు ప్రతినిధుల సభకు ఎన్నికైతే భారత్-యూఎస్ మధ్య సంబంధాలను బలోపేతం చేయడానికి కృషి చేస్తానని మంగా హామీ ఇచ్చారు.

భారతదేశంలోని సంపన్నమైన జీవితాన్ని విడిచిపెట్టి.1990లలో తాను భర్త, కుమారుడితో కలిసి అమెరికాకు వచ్చినట్లు మంగ తెలిపారు.ఉత్తమ పాఠశాల వ్యవస్ధ, మెరుగైన జీవన ప్రమాణాల కారణంగా ఉత్తర వర్జీనియాలోని ఫెయిర్ ఫాక్స్ కౌంటీని నివాసంగా ఎంచుకున్నట్లు మంగా వెల్లడించారు.ఆంధ్రప్రదేశ్‌లో జన్మించిన ఆమె చెన్నైలో పాఠశాల విద్యను అభ్యసించగా, ఆగ్రా యూనివర్సిటీ నుంచి గ్రాడ్యుయేషన్ కంప్లీట్ చేశారు.……………….