జూనియర్ ఎన్టీఆర్ తో అమిత్ షా మరోసారి భేటీ..తెలంగాణ పవన్ తో కలిసి ప్రచారం చేయనున్న ఎన్టీఆర్?

ఇదంతా పక్కన పెడితే ఇప్పుడు బీజేపీ పార్టీ జూనియర్ ఎన్టీఆర్ ( Junior NTR )ని కూడా తెలంగాణ ఎన్నికలకు వాడుకునే ఆలోచనలో ఉన్నట్టు తెలుస్తుంది.అతి త్వరలోనే కేంద్ర హోమ్ శాఖా మంత్రి అమిత్ షా హైదరాబాద్ పర్యటనకి రాబోతున్నాడు.ఈ పర్యటనలో ఆయన జూనియర్ ఎన్టీఆర్ తో ప్రత్యేకంగా భేటీ కాబోతున్నట్టు తెలుస్తుంది.ఇది రెండవ సారి ఆయన ఎన్టీఆర్ ని కలవడం.గతం లో కూడా ఆయన హైదరాబాద్ వచ్చినప్పుడు ఎన్టీఆర్ ని ప్రత్యేకంగా డిన్నర్ కి ఆహ్వానించాడు.ఎందుకు బీజేపీ అధిష్టానం జూనియర్ ఎన్టీఆర్ ని ఇంత ప్రత్యేకంగా ఆహ్వానిస్తుంది.అతనిని బీజేపీ పార్టీ లోకి కలుపుకునే ప్రయత్నాలు ప్రారంభించిందా?.2009 తర్వాత జూనియర్ ఎన్టీఆర్ రాజకీయాలకు పూర్తి గా దూరమై, కేవలం సినిమాల మీదనే ఫోకస్ పెట్టడం మొదలుపెట్టాడు.టీడీపీ అనేకసార్లు సంక్షోభం లో చిక్కుకున్నప్పుడు కూడా ఆయన నుండి ఎలాంటి స్పందన రాలేదు.చంద్రబాబు మరియు లోకేష్ మీద జూనియర్ ఎన్టీఆర్ పరోక్షంగా యుద్ధం ప్రకటించేందుకు సిద్ధం గా ఉన్నాడు అనే సంకేతాలు కూడా ఉన్నాయి.

చంద్రబాబు అరెస్ట్ పై జూనియర్ ఎన్టీఆర్ మౌనం పాటించడమే అందుకు ఉదాహరణ అని తెలుస్తుంది.అందుకే బీజేపీ పార్టీ జూనియర్ ఎన్టీఆర్ ని తమ పార్టీ లోకి చేర్చుకునేందుకు ప్రయత్నం చేస్తుందని, ఎన్టీఆర్ కూడా అందుకు సుముఖంగా ఉన్నాడని టాక్.మరి ఈ నెలలో జరగబొయ్యే తెలంగాణ అసెంబ్లీ ఎన్నికల ప్రచారం కోసం బీజేపీ ఎన్టీఆర్ ని వాడుకోబోతుందా?, పవన్ కళ్యాణ్ తో పాటు ఎన్టీఆర్ కూడా ఎన్నికల ప్రచారం లో పాల్గొనబోతున్నాడా ? వంటి సందేహాలు కూడా అభిమానుల్లో మొదలయ్యాయి.