సోషల్ మీడియాలో ఎప్పటికప్పుడు అనేక కొత్త రకాల వీడియోలను చూస్తాము.కొన్ని వీడియోలు చాలా ఆశ్చర్యపరుస్తాయి.
కొన్ని నవ్విస్తే మరికొన్ని సంతోషానికి గురి చేస్తాయి.తాజాగా ఓ షాకింగ్ వీడియో బాగా వైరల్ అవుతోంది.
దీనిని ట్విట్టర్‌లో ఫరెవర్ బెంగళూరు అనే ఖాతాలో పోస్ట్ చేశారు.ఈ వీడియోలో ఓ కుక్క కారు రూఫ్ టాప్‌పై విహరిస్తూ కనిపిస్తుంది.
కారు రూఫ్ టాప్ పై ఆ కుక్క కూర్చుని ఉండగా, ఆ కారు బెంగళూరు వీధుల్లో రాత్రి పూట చక్కర్లు కొట్టింది.ఈ కారుపై విహరిస్తున్న కుక్క భలే రాజసంగా కూర్చుందని కొందరు నెటిజన్లు కామెంట్లు చేశారు.
అయితే అదే స్థాయిలో సదరు వాహన యజమానిపై విమర్శలు వచ్చాయి.
కుక్కను ప్రమాదంలో పడవేసినందుకు డ్రైవర్‌ను బాధ్యత వహించాలని ప్రజలు డిమాండ్ చేస్తున్నారు.దాని మెడకు పెంపుడు కుక్కకు ఉండే బెల్ట్ ఉంది.దీంతో దీనిని పెంపుడు కుక్కగా అంతా భావిస్తున్నారు.
చాలా మంది వీడియోలో తమ అభిప్రాయాన్ని ఇస్తున్నారు.ఇది ఒక జోక్ కాదని ఒక వ్యక్తి రాశారు.
మరొకరు కారు సంఖ్య స్పష్టంగా కనిపిస్తుందని, పోలీసులు దీనిపై దృష్టి సారించి ఆ వ్యక్తిని అరెస్ట్ చేయాలని రాశాడు.పెంపుడు జంతువులకు మాటలు రావని,
అయితే వాటిని హింసించడం ఎంత వరకు సబబు అని ప్రశ్నిస్తున్నారు.ఇదే డ్రైవర్ లేదా ఆ పెంపుడు జంతువు ఓనర్ తన పిల్లలను ఇలా కారుపై ఎక్కించి వాహనాన్ని నడపగలరా అని నిలదీస్తున్నారు.కారు డ్రైవర్ కి వ్యతిరేకంగా నెటిజన్లు తీవ్ర విమర్శలతో కామెంట్లు పెడుతున్నారు.
పెంపుడు జంతువులను సరిగ్గా పెంచలేని వారు వాటిని ఎందుకు ఉంచుకుంటున్నారని ఓ వ్యక్తి కామెంట్ పెట్టాడు.ఇది పూర్తి అమానుష చర్యగా అభివర్ణించాడు.
